Video calling


પ્રિય મમ્મી,

તારે સંતાનમાં ત્રણ દીકરીઓ અને બધી તારી લાડકવાયી. તું એમના માટે કઈ પણ કરી છૂટે, તારામાં સંતાનો માટે લડવાની ગજબની તાકાત હતી. મને એના માટે તારી પર કાયમ ગૌરવ રહ્યું છે. ત્રણ દીકરીઓને પરણાવી સાસરે વળાવીને તું સાવ જ એકલી પડી ગઈ જાણે…આજથી સાત વર્ષ પહેલાં આમારો સાથ છોડીને તું જતી રહી તે વખતે ‘વોટ્સએપ’ ને ‘ વિડિઓ કોલિંગ’ જેવી સુવિધા નહોતી.મન થાય ત્યારે આપણાં સંતાનોને ફરી આપણી હથેળીમાં મોબાઈલના સ્ક્રીન થકી સમાવી લેવાના, એના સ્ક્રીન પાર વ્હાલથી હાથ ફેરવી મીઠી પપ્પી પણ લઈ લેવાય, બહારગામ જસ્ય તો વિડિઓ કોલિંગ દ્વારા પ્રવાસમાં ય સતત એમની સાથે રહયાનો સુખદ અનુભવ થાય.પણ આ બધું તારા…નહી નહીં…આપણાં નસીબમાં નહોતું..ખૂબ જ અફસોસ થાય છે.
આજે તું જ્યાં હોય ત્યાં મારા દિલના મોબાઈલથી તને વિડિઓ કોલિંગ કરું છું.તારા ખબર અંતર જાણવા છે, તારો ચહેરો જોવો છે, ચુંબનોથી નવડાવી દેવો છે..બહુ વાતો કરવી છે… ફોન ઉપાડ ને…પ્લીઝ. !

-સ્નેહા પટેલ.