#metoo


#metoo નો જુવાળ એવો ચાલ્યો છે કે અનેકોની એવી પોસ્ટ જોઈને બોલાઈ જાય #youtoo !!
એક રીતે સારું છે કે સમાજ અને ખુદ સ્ત્રીઓ સ્વીકારતી – સમજતી થઇ કે ખરાબ કામ કરનારા એ શરમાવું જોઈએ એનો ભોગ બનનારે નહીં. બીજી બાજુ આટલી સારી ઝૂંબેશ માં અમુક બાલિશ પોસ્ટ ને આરોપ વાંચીને હસવું કે દુઃખી થવું એમાં કન્ફ્યુઝ થઈ જવાય છે. પોતાની વધતી જતી સ્વતંત્રતા પચાવવાનું કદાચ સ્ત્રીઓ હજી શીખી રહી છે. હજી એને બેલેન્સ્ડ થતા પણ અમુક સમય વીતશે.

જોકે હરાયા ઢોરની જેમ જ્યાં ત્યાં મોઢું મારતા ફરતા હોય એવા પુરુષ સ્ત્રીઓ સાથે મિસબીહેવ કરતાં ડરતાં થઈ ગયા છે એ વાત ચોક્કસ. બ્રેવો ગર્લ્સ.

metoo ચળવળ કે સ્ત્રીઓની સ્વતંત્રતાનો મુદ્દો હોય તો મોટાભાગના પુરુષો ભડકી કેમ ઉઠે છે એ નથી સમજાતું ! ભાઈ, આ સમાજના એક વર્ગની વાત છે જે પાયહીન નથી જ એ બધા જાણીએ જ છીએ. પણ એનો અર્થ એમ નહિ કે દરેક #metoo ની પોસ્ટ સમાજના દરેક પુરુષને પોતાના નિશાના પર રાખે છે. સાચા અર્થમાં દબાયેલી…કચડાયેલી અને હવે બોલવાની તાકાત ભેગી કરી શકી છે ને આ ચળવળ દ્વારા પોતાની અકળામણ બહાર કાઢે છે એ દરેક સ્ત્રીને આપણો સપોર્ટ હોવો જ જોઈએ પછી એમ સ્ત્રી કે પુરુષ જાતિ જોવા ન બેસાય.

મારો સપોર્ટ તો છે..આપણા દેશને બીજી કોઈ જ નાની કે મોટી..સગીર કે પુખ્ત નિર્ભયા ના જોવી પડે એવી જ દિલની કામના ! તમારા પ્રશ્નો કે અવઢવ તમને મુબારક !

-સ્નેહા પટેલ.