દિવ્યભાસ્કર ન્યૂઝપેપર અને બનાવટ

આજથી લગભગ બે મહિના પહેલાં સવારના દસ વાગ્યામાં ઘરનો ડોરબેલ રણક્યો ને ખભે બેગ ભરાવીને ફરતો એક જુવાનિયો બારણે આવીને ઉભો રહયો. એના સેલ્સમેન જેવા દેખાવ પરથી જ મેં અંદાજ બાંધીને એને કહી દીધું કે ભાઈ મને કોઇ વસ્તુ લેવાનો રસ નથી. ત્યાં તો એણે એની બેગમાંથી એક નાનકડી લંબચોરસ પાતળી બુક બહાર કાઢી જેના પર મેં એક પ્રતિષ્ઠિત પેપરનું નામ વાંચીને રસ જાગ્યો ને પૂછ્તા જાણ થઈ કે આ પેપર હવે એનું નવું ઇંગ્લિશ પેપર કાઢી રહયું છે. નવા પેપરના આઈડીઆસ સાંભળીને ખુશી થઈ. એ પછી એ ભાઈએ મને ફકત ૨૭ રુપિયા પર મહિના આ પેપર પડશે અને પેપરવાળા પોતાના સ્ટાફનો માણસ આ ન્યુઝ્પેપર આપના ઘરે પહોંચાડશે એ વાત કહી. આટલા સસ્તા દરે પેપર પડતું હોવાથી થોડી લલચાઈ ગઈ અને ૨૦૦રુપિયા ચૂકવીને એ બુક લીધી. આવતા મહિનાની બીજી તારીખે પેપર લોન્ચ થઈ જશે ને આપને મળી જશે મેડમ..ઓકે..આપણે રાહ જોવામાં પડ્યાં.
મહિનાની દસમી તારીખે ધીરજ વિદાય લેવા લાગી અને બુકની પાછળ આપેલ નંબર પર ફોન કર્યો તો એમણે હજુ થોડા દિવસ રાહ જોવા વિનંતી કરી..ઓકે..
મહિનો વીતવા આવ્યો ને વાત પણ ભૂલાઈ ગઈ ત્યાં ઘરના આંગણે એ જ પેપરના સ્ટાફનો માણસ દેખાયો ને વાત તાજી થઈ ગઈ. એને આ વિશે પૂછતાં ખબર પડી કે આ પેપર મેળવવા મારે મારી પાસેની બુક મારા પેપરવેન્ડરને આપવી પડશે અને છાપું ચાલુ થાય પછી દર મહિને એને પચાસ રુપિયા બીજા પૂરા રોકડાં ચૂકવવા પડશે ! એ સેલ્સમેને એનું ટાર્ગેટ પૂરું કરવા આવી રીતે બધા કસ્ટમરને ઉલ્લુ બનાવેલા . આવી કમ્પલેઈન મળતા જ હું જાતે પેપરના સ્ટાફનો માણસ કસ્ટમર કેર માટે આવ્યો છું. વાત સાંભળીને બે મિનીટ તો આઘાત લાગ્યો. આટલા પ્રતિષ્ઠિત પેપરની આવી હાલત…!
‘મારે આ પેપર જોઇતું જ નથી મને મારા ૨૦૦ રુપિયા પાછા આપો’
‘ મેડમ પ્લીઝ…થોડી રાહ જુઓ..અમારા પેપર પર વિશ્વાસ રાખો. આ મારો ફોનનંબર આપું છું કોઇ પણ પ્રોબ્લેમ થાય તો મને કહેજો..પ્લીઝ..’
‘ઓકે..’
એ પછી બીજો મહિનો વીત્યો. મેં સ્ટાફના માણસને ફોન કર્યો ને લગભગ અડધો કલાક પછી થાકીને મેં મારા પૈસા પાછા માંગ્યા જેનો જવાબ આવ્યો કેઃ’ આમાં હું કંઇ ના કરી શકું, તમે સેલ્સમેનને જ ફોન કરીને પૈસા પાછા માંગો.’
આ પછી ફોનના ચક્કર ચાલ્યા ને મગજ ગરમ થઈ જતાં પોલીસની ધમકીઓ પણ આપી…પણ નો રીઝલ્ટ ! હજુ તો પેપર ચાલુ થયુ નથી ને ક્યારે થશે એની કોઇ જ ગેરંટી (આમે શું ગેરંટી આપવાના હવે આ લોકો !) પણ નથી. ૨૦૦ રુપિયા માટે ૫૦ રુપિયાના તો ફોન થઈ ગયા.
સવાલ પૈસાનો નથી પણ આવી  દાદાગીરીનો, માનસિક ત્રાસ, બનાવટ્નો  છે. ક્યાંક તમે તો આવી દાદાગીરીનો ભોગ નથી બન્યાં ને ?

 

જાણીતા અખબારના નામ પર ભરોસો મૂકીને આપણે એના અંગ્રેજી પેપરનું સબસ્ક્રીપ્શન ભર્યુ હોય અને એ જ પેપરના સેલ્સમેનો અને સ્ટાફમેમ્બર એના વેચાણમાં આવી છેતરપીંડી કરે તો શું કરવાનું? હમણાં બીજા પેપરની આવી કોઇ મેટર હોય તો એ પેપરે બૂમાબૂમ કરી મૂકી હોય તો હવે પોતાના જ માણસો સામે આ પેપર શું પગલાં લેશે ?

Sneha H Patel's photo.

પહેલા બે નંબર સેલ્સમેનના છે અને ત્રીજો નંબર પેપરના સ્ટાફના માણસનો.

Sneha H Patel's photo.

-સ્નેહા પટેલ

Advertisements

7 comments on “દિવ્યભાસ્કર ન્યૂઝપેપર અને બનાવટ

  1. hmmmmm atlej lagbhag hu aava divyabhaskarvada aa rite gift aapine em .. paper upde e mate kare che tyare j vastu aa rite vechati hoy e mane pasand nathi atla mate me kyarey free divyabhaskar mara gharna barne nakhavyu nathii…..feriyo aape e vastu par trust nathi … rakhti banta sudhi.

    Like

  2. આમાં માત્ર એકલા સેલ્સમેનોનોજ વાંક હોય એવું દરેક જગ્યાએ નથી બનતું…. પછી પેપર હોય કે કોઈ વસ્તુનું વેચાણ હોય, એ પેપર કે એ વસ્તુ બનાવનારજ ઘણી વાર-ઘણી વાર શું, લગભગ મોટા ભાગે એ બધા ઠગ હોય છે અને લાલચ આપીને આવા નિર્દોશ સેલ્સમેનો મારફત લોકોને ઠગતાં હોય છે…આવું બધેજ ચાલતું હોય છે, પણ સૌથી વધારે તો બીલ્ડરો અને પરદેશમાં નોકરી અપાવવાની લાલચ આપનારી કંપનીઓ આમલી-પીપળી બતાવીને, એડવાન્સમાં પૈસા લઈને લોકોને ભયંકર રીતે ઠગતાં હોય છે… અને એમાં તો લાખો રૂપીયાનો સવાલ હોય છે….આતો બધાનો જાત અનુભવ છે…

    Like

  3. આ કહેવાતું પ્રતિષ્ઠિત સમાચારપત્ર યેનકેન પ્રકારે પૈસા કમાવામાં જ માને છે. અને આપણા ભારત દેશની ખાસિયત છે કે કોઈ પણ ક્ષેત્રમાં ગ્રાહકસેવા એકદમ નકારાત્મક જ આપવી….

    Like

  4. પ્રિય મિત્રો,
    આજે સવારે દિવ્યભાસ્કરની ઓફિસમાંથી માણસ આવ્યો અને બધી વાત માટે માફી માંગી. એમના હેડ ઓફિસના મેનેજર સાથે વાત કરાવી. લગભગ પાંચ સાત મિનીટની વાતચીતમાં મુખ્ય વાત તો એમણે સેલ્સમેનને કાઢી મૂક્યો અને પુષ્પરાજ બહારગામ છે એ આવશે ત્યારે એની સામે પણ કાર્યવાહી કરશે એની ગેરંટી આપી. આ બધા વિશે ફેસબુકમાં બે લાઈન લખી દેશો પ્લીઝ.. એવું વારંવાર કહ્યું.
    હવે મારે આમાં શું કહેવાનું રહ્યું દોસ્તો !

    Like

  5. dearest સ્નેહા બેટા ….દિવ્ય ભાસ્કેર paper “મારવાડી” ગ્રુપ નું ને આપને તો ખયાલ જ હશે આશરે 10 વરસ પહેલા જયારે ગુજરાત માં એન્ટ્રી લેવાની હતી…..સર્વે કર્યાં..સેમ્પલ મોકલ્યા …ગિફ્ટો પણ આપી ને પગ-પેસારો કરી દીધો(!!??)..આ પણ એવી જ એક “છળ”ને “ચાલ” હશે!!!!આપ કદાચ પહેલા નહી હો આનો “ભોગ” બનનાર ..પણ જેમ મારે શું….કરીને ઘણા એ આ વસ્તુ ભૂલી જયી ૨૦૦ નું નહી નાખ્યું હશે ..આપે જાગૃતિ દાખવી …ધન્યવાદ…
    આશા આપની આ મહેનત લેખે લાગશે ને કોક દિ આપના પૈસા પાછા અચૂક મળશે …
    gbu jsk jmj jj ઓમ નમઃ શિવાય..
    દાદુ..

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s