પરિવર્તન

http://phulchhab.janmabhoominewspapers.com/purti.aspx

ફૂલછાબ – નવરાશની પળ – 27-06-2012 નો લેખ

એક પળ માં નિખરવાનું,એક પળ માં વીખરવાનું,

આ ફૂલ જે ખીલ્યું,તે ખીલીને તો ખરવાનું,
હોડી ન હલેસાં હો, ન શઢ હો ન સુકાની હો,
દરિયોય જ દેખાતો ને પાર ઉતારવાનું……..

‘આદિલ’ મન્સૂરી

‘રાહુલની કારને એકસીડન્ટ થયો છે..જલ્દીથી સ્ટર્લીંગ હોસ્પિટલમાં આવી જાઓ ભાભી..’

અને ફોન  મૂકાઈ ગયો.

રુપા બાઘાની માફક પોતાના આઈફોનને તાકી રહી..મગજ બહેર મારી ગયું..એના દીયર રુપેશનો અવાજ હજુ એના કાનમાં પડઘાતો હતો.ત્યાં તો આરોહી એની આઠ વર્ષની દીકરીએ એને ઝંઝોડી…મમ્મા..શું થયું..કેમ આમ ગભરાઈ ગયાં છો..કંઇક તો બોલો..અને એકદમ રડવા લાગી.

આરોહીના રડવાનો અવાજ સાંભળીને રુપાનું મગજ ઠેકાણે આવ્યું અને કપડાં બદલવાની પણ દરકાર કર્યા વગર ગાડી- ઘર ની ચાવી અને ‘ક્લચ’ લઈને ઘરની બહાર નીકળી. ઘર લોક કરીને આરોહીને બાજુમાં રીતુબેનને ત્યાં મૂકીને ટુંકાણમાં વાત પતાવીને ગાડીની તરફ રીતસરની દોટ જ મૂકી.

બે મિનીટમાં તો એ સાલ હોસ્પિટલમાં હતી. રુપેશે બધી ફોર્માલીટી પતાવી દીધેલી અને રાહુલને ઓપરેશન થીયેટરમાં લઈ જવાયો હતો.

ઓફિસેથી આવતા અચાનક સામે આવી ગયેલ ૪ વર્ષના બાળકને બચાવવા જતા રાહુલનો બાજુમાં આવી રહેલી બસની જોડે જોરદાર એક્સીડન્ટ થઈ ગયેલો. હાથ..પગ અને માથામાંથી બ્લીડીંગ થયેલું.

લગભગ ૩એક કલાકના ઓપરેશન પછી ઓપરેશન સંતોષજનકના સમાચાર મળ્યાં પણ અનિવાર્ય સંજોગોમાં રાહુલનો જમણા હાથ કાપવો પડ્યો એનુ દુઃખ પણ જાણવા મળ્યું.

ચોતરફ અજબ સી નિસ્તબ્ધતા વ્યાપી ગઈ..ખુશ થવું કે દુઃખી કંઇ જ સમજાતું નહોતું.

થોડો સમય થયો અને રાહુલ બરાબર રીતે સાજો થઈને ઘરે આવ્યો. શરીરનું એક અગત્યનું અંગ ગુમાવી ચુકેલો એ હકીકત સ્વીકારી લીધેલી.

હાથ વગરના રાહુલને નોકરીએ કોણ રાખે હવે..એક ઓર મોટો ફટકો.

રાહુલની લાઈફ સ્ટાઈલ એકદમ વૈભવી હતી…ગાડી, મોબાઈલ, લેપટોપ, એલઈડી, લેટેસ્ત ફર્નિચર બધાંયના હપ્તા ઉપરાંત ચાર એસી સહિતના તોતિંગ લાઈટબિલો, આરોહીની સ્કુલના કોચીંગ ક્લાસીસના ખર્ચા..શોપિંગ..ઘરઘાટી..રસોઈઓ..અધધ..

મેરેજ પહેલાં રુપા એક કંપનીમાં મેનેજરની પોસ્ટ પર નોકરી કરતી હતી પણ મેરેજ પછી રાહુલની સરસ  મજાની જોબના કારણે એણે એક પ્યોર હાઉસવાઈફ બની રહેવાનું પસંદ કરેલું.

પણ આ હાલતમાં હવે એને જોબ કર્યા વગર છૂટકો જ નહતો.

ઓળખાણોથી એક સારી જોબ તો મળી ગઈ..પણ કામના કલાકો, જવાબદારી, ઘરનું કામ, લિમિટેડ આવક, રાહુલનું ધ્યાન રાખવું..રુપા નીચોવાવા લાગી..લગભગ એક મહિનામાં તો એનું વજન ૬૦ કિલોમાંથી ઘટીને ૫૨ કિલો થઈ ગયું.એની રુપાળા ગોરા ચહેરા પર કાળાશ, વેદનાનું વાદળું કાયમ પથરાયેલું રહેવા માંડ્યું.

એક દિવસ રાહુલ આગળ રડી પડી..રાહુલ નથી પહોંચી વળાતું..શું કરું.?

રાહુલ એનો ડાબો હાથ એના વાળમાં ફેરવતા બોલ્યો..રુપા એશોઆરામની આદતો પડતા અને મહેનતની આદતો છૂટતા ક્યારેય વાર નથી લાગતી. વળી મને તારી પર પૂરતો વિશ્વસ છે કે તું પહોંચી જ વળીશ. મેં પણ એક જોબ માટે વાત કરી છે..જેમાં ઘરે બેસીને કોમ્પ્યુટર પર જ કામ કરવાનું રહેશે. વળી મારો એક મિત્ર કોઇ નકલી હાથ લગાવી શકાય એવી શક્યતા છે એમ પણ કહેતો હતો.એ થઈ જાય પછી હું પહેલાંની જેમ મારા બધા કામ આરામથી કરી શકીશ..હા થોડી સ્પીડ ઓછી થઈ જશે એની ના નહીં..વળી આપણે કયાં સાવ રસ્તા પર આવી ગયા છીએ..સારી બચત પણ છે..એટલા પૂરતો તો ભગવાનનો આભાર માન ડીઅર.. સમય કાઢી લે ધીરજ રાખીને બસ.

અને રુપા હળ્વીફુલ થઈ ગઈ..રાહુલનો પોતાના પર વિશ્વાસ જોઇને પોતાની અંદર એક અનોખી તાકાતનો પવન ફૂંકાતો મહેસૂસ કરી રહી.

અનબીટેબલ ઃ પરિવર્તન હંમેશા શરુઆતના તબક્કે જ અઘરું લાગે છે..પછી એનાથી ટેવાઈ જવાય છે.

Advertisements

5 comments on “પરિવર્તન

  1. Dearest Snehabeta yes THIS IS REALITY OF LIFE and all must ACCEPT it…Rahul….Rupa……and DIKARI…..Most Important is FAITH…CONFIDENCE and EHSASS Creating……..A perfect U/s Person/hubby can do ……
    God bless us all
    Jay shree Krishna
    Sanatkumar dave(Dadu)..

    Like

  2. આ ફૂલ જે ખીલ્યું,તે ખીલીને તો ખરવાનું,
    હોડી ન હલેસાં હો, ન શઢ હો ન સુકાની હો,
    દરિયોય જ દેખાતો ને પાર ઉતારવાનું……..

    ‘આદિલ’ મન્સૂરી

    sav sachu anayase avi padela sanjogo mujab……… tevavu enu nam jindgi.

    Like

  3. dear Sneha,Jay Shree Krishna.aajno taro din khushrang ho.”Parivartan” jivannaa
    pratyeak kadam par aave j chhe…ane sarv samndho-jene aapne apnaavie taemaa
    vishvaas,sahkaar ne prem hoy to jivan “vrundavan” bani jaay…!!

    Like

  4. પરિવર્તન હંમેશા શરુઆતના તબક્કે જ અઘરું લાગે
    છે..પછી એનાથી ટેવાઈ જવાય છે.sachi vaat chhe, tevala vaar lage chhe pan aakhre tevai jaiye chhiye. Well done Friend

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s