અનોખી આસ્તિકતા

http://www.janmabhoominewspapers.com/Admin/Data/Epapers/18_Apr/pancha_01.pdf

ફૂલછાબ > નવરાશની પળ કોલમ > ૧૮-૦૪-૨૦૧૨ નો લેખ.

નીત નવા પ્રપંચો માણસ અહીં કરે છે,

ઈશ્વરને માનનારા ઈશ્વરને છેતરે છે.

-કુતુબ આઝાદ

અસ્મિતા એક આધુનિકા..ઉનાળાની તો હજુ શરુઆત હતી અને ગરમીનો પારો ઊંચે ને ઊંચે જતો હતો..લગભગ ૪૧ ડીગ્રી..સવારના ૧૦.૦૦ વાગ્યાના સમયે તો અસ્મિતાની કોટન કુર્તી પરસેવે રેબઝેબ થઇ ગઈ હતી. વળી હમણાં જ આઠ વર્ષના દિકરા સ્મિત જોડે પોતાની ‘એસી વેગન આર’ કારમાંથી ઉતરેલી એટલે બહારની ગરમી એના તનને વધુ દઝાડતી હતી.

દીકરાને મંદિરની બહારના ચોકમાં ઊભો રાખ્યો અને રોજની આદત મુજબ જ થોડા શબ્દો એના કાનમાં શિખામણ સ્વરુપે સરકાવ્યા. સ્મિત માટે તો આ રોજનો ખોરાક હતો જેને અડધી પડધી રમત વચ્ચે મમ્મીના સંતોષ ખાતર સાંભળવાનો ડોળ કર્યો..એનું મગજ તો સામે ફૂલ લઈને બેઠેલ એના રોજના ગોઠિયા ફૂલવાળા કાકાની તરફ હતું. કાકા પણ એની સામે જોઇને ધીમું ધીમું મરકી રહેલા..એને જલ્દી પોતાની પાસે આવવાનું ઇજન આપી રહેલા.અસ્મિતા આ સંતાકૂકડીથી પરિચીત હતી એટલે ફટાફટ સ્મિતને ફૂલવાળાકાકા પાસે છોડીને મંદિરમાં અંદર ગઈ.

બહાર સ્મિત કાકા જોડે બેસીને એની કાલી ઘેલી વાણીમાં વાતો કરવા લાગ્યો..કાકાનો હાથ પકડીને મંદિરનો ઊંચો ઘંટ વગાડયો..મંદિરમાં એક બાજુ બનાવેલ પરબમાંથી માટલામાંથી પાણી પીધુ..અને મંદિરના આરસપહાણના પત્થરો પર મસ્તી કરતો ..લસરપટ્ટી કરતો કરતો કાકા જોડે ચાલવા લાગ્યો..

અસ્મિતાનો અને સ્મિતનો આ રોજનો કાર્યક્રમ નિહાળીને ચૂપ રહેતા એક ઘરડા માજીથી આજે ચૂપ ના રહેવાયું અને એના મનને ઘમરોળતો પ્રશ્ન એણે આખરે આજે અસ્મિતાને પૂછી જ લીધો..

‘બેન..રોજ આ બાબાને સાથે લઈને મંદિરે આવે છે તો એને અંદર કેમ નથી લઈ જતા..છેક કૂવા કાંઠે આવીને પણ દિકરાને તરસ્યો કાં રાખે છે..?’

અને અસ્મિતા મંદ મંદ હાસ્ય ફરકાવતી બોલી,

‘માસી..મને તમારી વાતનું ખોટું સહેજ પણ નથી લાગ્યું.હું જ્યારે આના જેવડી હતી તો મારા ઘરના મને જબરદસ્તીથી મંદિરમાં દર્શન કરવા લઇ જતા હતા. મને કશું જ સમજ નહોતી પડતી તો પણ  મારે આ બધી ક્રિયાઓનું અનુકરણ કરવું પડતું..એક સમયે આ જબરદ્સ્તીના દર્શનથી મારા મનમાં મંદિરના નામથી જ નફરત થવા લાગેલી. કારણ.હું જે કાર્ય કરી રહેલી એનું મહત્વ સમજવા જેટલી મારામાં સમજ જ નહોતી..મોટાઓ કહે એટલે કરી લેવાનું એવું કેમ હોય..મને કંઇક તો સમજ..મજા આવવી જોઇએ કે  નહી દર્શન કરવાથી..!!

આવુ કંઇ મારા દિકરા જોડે ના થાય એટલે હું એના પર આવી કોઇ જ જબરદસ્તી નથી લાદતી. એને રોજ આ વાતાવરણમાં લાવું છું..શું સાચું ને શું ખોટું એની કાલીઘેલી વાતોમાં સમજાવું છું. એક જ વાતનો મને ભરપૂર સંતોષ છે કે  એને પાપ કરતાં બીક લાગે છે..એ બીક જ એને એક સારો માણસ બનાવશે.. ભવિષ્યમાં આ મંદિરની અંદર ખેંચી જવા પ્રોત્સાહિત કરશે. વળી એ ભગવાનના દર્શન કરવા નહી આવે તો પણ મારે મન એનું કોઇ મહત્વ નથી..એની મરજી..એના દિલમાં ભગવાન જીવતા હોય તો મંદિરનું પણ શું કામ..હું નાસ્તિક નથી પણ મન વગર ભગવાનના દર્શન કરવા એ વાતની એક્દમ વિરુધ્ધમાં છું. એની જાતે,,એની સમજથી જ્યારે મારો દિકરો આ મંદિરમાં પ્રવેશશે તો એ મારા માટે ‘ઉત્સવનો દિવસ’ એની ના નહીં..પણ એ એમ નહી કરે તો પણ મને કોઇ વાંધો નથી.. એ એક સારો, પ્રામાણિક , પાપથી ડરતો માણસ બને બસ…બાકી એની જીંદગીના નિર્ણયો એ જાતે પોતાની સમજથી, પોતાની મરજીથી લેશે તો જ એને લાંબા સમય સુધી ફોલો કરી શકશે. એ વાત તો નક્કી જ.

બહુ લેકચર આપી દીધું કેમ માસી..સ્મિતની સ્કુલનો સમય થઈ જશે..તો હું આપની રજા લઊં..આવજો..જય શ્રી ક્રિષ્ણા…!’

અને પાછળ ઘરડા માસીને વિચારપૂર્ણ સ્થિતીમાં મૂકીને અસ્મિતા સ્મિતને લઈને ગાડીમાં બેઠી.

અનબીટેબલઃ Having a smile on your face is a good compliments to life, but putting a smile on other’s face by your efforts is the best compliment to life.(unknown)

સ્નેહા પટેલ

https://www.facebook.com/notes/sneha-h-patel/%E0%AA%85%E0%AA%A8%E0%AB%8B%E0%AA%96%E0%AB%80-%E0%AA%86%E0%AA%B8%E0%AB%8D%E0%AA%A4%E0%AA%BF%E0%AA%95%E0%AA%A4%E0%AA%BE/394483420585651

4 comments on “અનોખી આસ્તિકતા

  1. rep by email..

    I had read your article on “sanskar’ before one week and today i read your article on ” Religious mind”.in the Phulchab ( panchamrut purti )

    Realy i am too pleased with your this type of write-up which is full of depth in a message to the society as a whole and not restricted to a single community or a segment.

    As i am regulary reading your articles as a reader i think i can present my expectation with a request to consider the subject as………….

    ( 1 ) Mother and father:s role in one life and the childern:s duty.( sanskar in the family )

    ( 2 ) The values of “forget and forgive” in the life.( peace and harmony the real “samaj seva “)

    _________________________________________________________________________________________________________________

    I had observed that the readers at bombay read the papers with concentrations and also with intrest. and today in bombay the Gujarati:s are more then what are in gujarat.

    How nice for all the gujarati:s of bombay if your this quality write-up are published in the bombay news papers like ” Bombay samachar” and ” Janmabhumi”

    _______________________________________________________________________________________________________________________

    In fact i dont know the type work in gujarati and so i am forced to send this mail in english but otherwise i would have communicate u in gujarati only.

    Best Regards and to u a…………. ” jai shri Krishna ”

    Viresh Kothari

    Like

  2. another email

    આપના લેખો અને નાનકડી વાતો યે ઉંડા વિચારપૂર્વક લખાયેલી હોય છે અને વળી તેમાં સ્વાનુભવવાણીની ઝલક એટલે કે વાસ્તવિકતા પુરે પુરી ભરેલી હોય છે તેથી તે વાંચવા ગમે છે..

    અતુલ

    Like

  3. Priya sneha,Jay Shree Krishna.ha,hu tari vaat ne vaartaa sathe sarvthaa sanmat chu.”aastitkttaa”ae gahan ne samj purvak karvaa matenu aatmik ne aadhyaatmik
    anubhuti che..!!

    Like

  4. શુંદર વિચારો સમજી સકાય તેવી ભાષામાં આપો છો. આજની વાત ખુબજ સરસ છે. ધન્યવાદ.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s