કોના બટન કોના હાથમાં !

ફૂલછાબ દૈનિકમાં’નવરાશની પળ’ કોલમ.

સત્ય ઘટનાઓ :

ઇલેક્ટ્રોનિક ડીવાઇસીસને Disconnect કરી દઊં,

લાવ, જિંદગીને જિંદગીથી re-connect કરી દઊં.

–          અજય ઉપાધ્યાય.

અનુજ એક તેજસ્વી વિધાર્થી. હંમેશા ૮૫-૯૦ ટકાની આસપાસ માર્કસ મેળવતો. એને આજકાલ ફેસબુકનો જબરો ચસકો લાગેલો.સવારના ચા ના કપની ચુસ્કીઓની શરુઆતથી માંડીને કોમ્પ્યુટર ટેબલ પર જ જમવાની થાળી લઈને બેસી જતો. મા-બાપના સતત વિરોધ વચ્ચે પણ મિત્રો સાથે રાત -દિવસ ચેટીંગ ચાલુ ને ચાલુ જ. બારમા ધોરણ જેવું કેરિયરની પસંદગીનું મહત્વનું વર્ષ. મા બાપ ક્લાસીસ અને ટ્યુશનની કમરતોડ ફી ભરી ભરીને એને સારા શિક્ષણ આપવાના પ્રયત્નો કરે રાખતા હતાં. પણ આ ભાઈસાહેબ તો ફેસબુકની પિકચર-વીડિયો અપલોડ,લાઇક-ડીસલાઈક, કોમેન્ટ્સ કરવા અને ઉઘરાવવામાંથી નવરા પડે તો ભણે ને..એમાં ને એમાં અભ્યાસક્રમની કોઇ જ તૈયારી ના થઈ શકતાં એણે પરીક્ષા જ ના આપવાનો નિર્ણય લઈ લીધો. મા બાપે બહુ માથા પછાડ્યા પણ બધું પથ્થર પર પાણી.એક તેજસ્વી વર્ષ ફેસબુકની રામાયણમાં હોમાઈ ગયુ.

………….

સવારનો અગિયાર વાગ્યાનો સમય હતો. કોલેજના થોડાક લબરમૂછિયાઓ કોલેજ બંક કરીને મેકડોનાલ્ડમાં જઈને બેઠા.ખભેથી બેગને એક તરફ ફંગોળીને મેકડોનાલ્ડની લાલ ખુરશીમાં ફટાફટ જાતને સેટ કરી. એકાદ નજર સામેના મેનુબોર્ડ પર નાંખી અને એક ગરીબડા જેવા મિત્રને ઓર્ડર લઈ આવવાની જવાબદારી સોંપી. આ લોકો જમવા આવેલા કે શું કરવા..આટલી બધી ધાઇ ધાઈ કેમ હતી સમજાતું નહોતું..!! એટલામાં એક જણે પોતાનો આઇફોન કાઢ્યો..બીજાએ પોતાનું ટેબલેટ..ત્રીજાએ લેપટોપ..ચોથાએ કાનમાં આઇપોડના સ્પંજવાળા ઇયરપ્લગ ભરાવ્યાં. બધાં એકદમ જ બીઝી થઈ ગયા !! ‘હર એક ફ્રેન્ડ જરુરી હોતા હૈ..’ મોબાઈલવાળો ફ્રેન્ડ વળી ચેટીંગમાં એક છોકરી જોડે વાતો કરી રહેલો..પેલો આઇફોનવાળો કોઇ અંગ્રેજી ધૂન પર સાથળ પર હથેળીથી તાલ મિલાવી મિલાવીને ‘તાલ સે તાલ’ મિલા કરી રહયો હતો. બીજો એક છોકરો મોબાઈલમાં આ બધી હરકતોના ફોટા પાડીને ફેસબુક પર સ્ટેટસ અપડેટ કરવા લાગ્યો…. ‘અત્યારે અમે મેકડોનાલ્ડમાં એન્જોય કરી રહ્યાં છીએ…I am lovin it..!!’ ત્યાં તો મોબાઇલ..લેપટોપ બધામાં નેટ પરના બીજા મિત્રોની લાઈક, કોમેન્ટ્સ આવવા લાગી. વળી એ કોમેન્ટ્સ  લાઈક,વળતી કોમેન્ટ્સ ..મિત્રો જ મિત્રો..બધાંય બહુ જ નિષ્ઠાપૂર્વક પોતપોતાની ‘સોશિયલ નેટવર્કીંગ લાઇફ’ મેનેજ કરી રહેલા. ઓર્ડર લઇને આવેલો ગરીબડા છોકરા પાસે લેટેસ્ટ મોબાઈલ કે લેપટોપ કંઇ જ નહોતું એટલે એણે આજુ બાજુ નજર દોડાવતા ‘મિત્રોથી ઘેરાયેલ પણ એકલવાયો જીવ’નું દુઃખ અનુભવતા પોતાનું બરગર ખાવાનું ચાલુ કર્યું..

——————————–

હાઇ વે પર ફુલ સ્પીડમાં એક બાઇક જઈ રહ્યું હતું. એના પર એક કપલ બેઠેલું. છોકરો કાનમાં બ્લ્યુ ટુથ ભરાવીને પોતાની મિત્ર સાથે વાતો કરી રહેલો.પાછળ બેઠેલી એની ગર્લફ્રેન્ડ આ બધાથી અલિપ્ત થઈને એના ફ્રેન્ડ જોડે મોબાઈલ પર આરામથી મેસજમાં ચેટ કરી રહેલી. ત્યાં જ એક ટ્રકવાળો સામેથી ફુલસ્પીડમાં આવતાં બાઈકવાળો ગભરાઈ ગયો થોડો બેધ્યાન હોવાથી તરત બેલન્સ ગુમાવી દીધું અને પરિણામ જે આવી શકે એના કરતાં પણ વધુ કરુણ. છોકરો માથાની પાછળના ભાગે જોરદાર ચોટ લાગતા કોમામાં અને છોકરીના પગે, હાથે, પાંસળીમાં થઈને ટોટલ ૭ ફેક્ચર!!

——————————

મા-બાપ પોતાના બે સંતાનો જોડે દિવાળીમાં ૩-૪ દિવસનો પ્રોગ્રામ બનાવીને ફરવા નીકળ્યાં. માંડ માંડ તો સમય નીકળેલો આટ્લો.જેટલુ થાય એટલું એન્જોય કરી લેવું છે. પણ આ શું…ગાડીમાં એકબીજા જોડે વાત કરવાને બદલે દીકરી પોતાના મોબાઇલમાં મેસેજીસમાં બીઝી…દીકરો વીડીઓ ગેમ રમવામાં…એટલામાં પત્નીની બૂમો પડી..આ તો કંઇ રીતે ચાલે યાર…શું થયું પણ..? પતિદેવ ઉવાચ…અરે…મારા મોબાઈલમાં નેટ નથી ચાલતું.. આટલા બધા દિવસ તો નેટ..ફેસબુક..વગર કેવી રીતે ચલાવાય…તમે આનો કોઇ રસ્તો કાઢો..એવામાં પતિદેવે અચાનક બ્રેક મારવી પડી..બધાયના જીવ અધ્ધર..જોયું તો સામેથી એક છકડાવાળો ખભા અને કાનની વચ્ચે મોબાઇલનું રમકડું ભરાવીને વાતો કરતો કરતો લહેરથી છકડો ચલાવતો ચલાવતો એમની ગાડીને ઘસાઇને જ નીકળી ગયેલો અને એ વાતનું એને ધ્યાન પણ નહોતું. પતિદેવ સચેત ના હોત તો રામ નામ સત્ય જ…

—–

અનબીટેબલઃ માણસ માટે ટેકનોલોજી શોધાઈ છે કે ટેકનોલોજી માટે માણસ ઘડાયો છે એ જ નથી

સમજાતું કે કોણ કોના દિલોદિમાગ પર રાજ કરે છે..કોના બટન અને કંટ્રોલ કોના હાથમાં..!!!

Advertisements

13 comments on “કોના બટન કોના હાથમાં !

  1. સ્નેહાબહેન..

    બધું નવું નવું છે ને એટલે લોકો યે આટલા ઉંછાછળા થઈ ગયા છે. જેમ જેમ પરીણામો ભોગવશે તેમ તેમ આંખ ઉઘડશે.

    આ ટેકનોલોજીને લીધે મારી તો એક આંખ લગભગ મીચાઈ ગઈ છે. ટેકનોલોજીને શું દોષ દેવો? સહુએ પોત પોતાની વિવેક બુદ્ધિનો ઉપયોગ કરતા શીખવું જોઈએ.

    લોકોની પોસ્ટ અને કોમેન્ટ અને હા હા હી હી જોઈએ તો થાય કે કદાચ મોબાઈલ / કોમ્પ્ય઼ુટર / ઈન્ટરનેટ બધું સસ્તુ લાગતું હશે પણ લોકોના વિચારો / આચારો અને વ્યવહારો યે સસ્તા થઈ ગયા છે.

    પહેલા પીવા વાળ શરમાતા અને વાત છુપાવતા. આજે પીવાવાળા ગૌરવ અનુભવે છે અને એક બીજાને કરારા જવાબ આપે છે.

    વધુ તો શું કહી શકાય ?

    જય હો !!!

    Like

  2. respected snehaji, it is up to anybody to get credit or discredit for pressing the button of the remote control,but take it for granted,it is for the pleasure, may be on a temporary basis, may be for a self interest or may be for gaining anything, it is the final wish of almighty GOD.wht ever you do by pressing buttons is considered as a karm on a positive or a negative note.
    snehaji,you deserve complements for your innovative ideas in the field of media,which will take you long way in career. myself iam an astrtologist and a signature expert from baroda,currently in dubai till christmas beginning.you can find my articles on hastakshar sandesh in sandesh daily,nakshatra purti,on thursdays.you may find one article tomorrow also.i would like to meet you personally at rajkot,when i visit rajkot.god bless you a true mata saraswati follower.regards.dhyani.vrajkishor.j.

    Like

  3. અતુલભાઈ.એકદમ સાચુ કહ્યું ભાઈ…ઓરકુટ નવું નવુ હતું એ હવે સાવ જ ભુલાઇ ગયું જ છે ને..જોકે તમારી આંખની વાત સાંભળીને થોડું દુઃખ થયું. આ વિશે મને હજુ બીજી ૧૦ વાર્તાઓ મળેલી પણ પેપરમાં તો જગ્યાની તકલીફ હોય ને..એટલે આટલી જ લીધી.કદાચ વાસ્તવિકતા આનાથી પણ વરવી ્છે એ ખ્યાલ છે જ.

    ‘સહુએ પોત પોતાની વિવેક બુદ્ધિનો ઉપયોગ કરતા શીખવું જોઈએ.’:-) આ તો બધે કામ લાગે એવી વાત કહી દોસ્ત તમે..

    Like

  4. @ વ્રજભાઈ.. આપનો ઘણો ઘણો આભાર. આપના વિશે જાણીને ગમ્યું. મળવાનું થશે તો મારા અહોભાગ્ય. પણ હા..હું અમદાવાદમાં રહું છું રાજકોટ્માં નહીં…ઃ-)

    Like

  5. બધી સત્યઘટનાઓ છે જે એક પણ શબ્દોના મોણ નાંખ્યા વગર લખાઈ છે. પરિસ્થિતી આનાથી પણ વરવી છે એ તો બધાને ખ્યાલ હશે જ.સ્વીકારતા તકલીફ પડશે એ ચોક્કસ.

    જોકે ટેકનોલોજીનો બેસ્ટ ઉપયોગ કરીને જીવનમાં આગળ વધનારા લોકોનો પણ તોટો નથી. એ વાત હવે પછી ક્યારેક કોઇ લેખમાં કરીશું..મિત્રો..આપના જીવનમાં પણ નેટની કોઇ હકારાત્મક વાતો હોય તો અહીં કે ઇમેઇલમાં મારી સાથે શૅર કરી શકો છો. હું બનતો પ્રયત્ન કરીશ એના પર લખવાનો. થેન્ક્સ.

    Like

  6. Hu mumbai ma rahu chhu.Amare tya jadap thi off. ke ghare pahochva mate loko railway treake no upyog kare chhe. Ek yuvti kane mobile lagadi koi sathe vat karti hati, same avti train no khyal na rahyo ane…
    navneet pachigar

    Like

  7. didi kharekhar aape bov j saras jankari api che loko jyare abadhi vastu no upyog kareche tyare janta nathi hota k janye ajanye durupyog j kareche pan jo avi vato same ave to khare khar loko ni aankho ugde………..thanks didi……..miss u

    Like

  8. Very True. એકદમ નગ્ન સત્ય,

    આજે ટેકનોલોજી એ જેટલી પ્રગતિ કરી છે એટલીજ અધોગતિ માણસે જીવન માં કરી છે.
    આતો માણસ સહજ વૃત્તિ – ના દીઠા નું દીઠું જેવો ઘાટ થયો છે.

    આજે જેને જોઉં તે મોબાઈલ, ડેસ્કટોપ, લેપટોપ, વિડીયો ગેમ્સ, આઈપોડ અને નાં જોઈ હોય એવી કેટલીય વસ્તુ પોતાની પાસે રાખતો થઇ ગયો છે… માફ કરશો એવું કહીશ આ બધી વસ્તુ આજે માણસ ને રાખતી થઇ ગઈ છે. એક મિનીટ માટે પણ કોઈ ખસવા તૈયાર નથી.
    અરે લોકો જાજરૂ-બાથરૂમ માં પણ મોબાઈલ ને છોડતા નથી.

    આ નવી નવી ટેકનોલોજીએ તો માણસ નું જીવન એકદમ સ્થૂળ કરી નાખ્યું છે. આજે લોકો ફરવા જાય તો પણ સાથે મોબાઈલ, લેપટોપ કે હવે તો આઈ-ફોન જોઈએ.
    જેને જુઓ તે મોબિલ પર SMS, ફેસબુક કે ટ્વિટર, યાહૂ મેસેન્જર કે ગૂગલ ટોક,પર બેઠેલો જોવા મળે.
    માણસ જાણે ટેકનોલોજી નો ગુલામ થઇ ગયો છે. ટેકનોલોજી નું એકહથ્થુ શાસન.

    તમારી જ એક પોસ્ટ ની કોમેન્ટ માં વાંચેલું – EXCESSIVE USE OF ANYTHING IS POISONOUS.
    કોઈ પણ વસ્તુ નો વધુ પડતો ઉપયોગ ઝેરીલો છે.

    તમે જે વાત કરી એ તો એવા લોકો છે જે વસ્તુ વાપરવા ની વ્યસ્તતા (ગુલામી, અધીરાઈ/નિષ્કાળજી) માં ભોગ બન્યા પણ ઘણા એમપણ કહેતા હશે બાપુ આપણે તો જરૂર પડીએ જ આ બધું વાપરીએ અને ઘેલા નાં થઈએ એની પાછળ. પણ એ શાણા લોકો ને ક્યાં ખબર છે કે આ ટેકનોલોજી ક્યાં અને કેવી રીતે દરેક ને નુકશાન કરે છે. આજે જ્યાં જુઓ ત્યાં મોબાઈલ ના ટાવર્સ, ડીશ અને એન્ટેના. એમાં થી નીકળતા રેડિયો એક્ટીવ તત્વો (RADIO ACTIVITY), ઇન્ફ્રા રેડ કિરણો(INFRARED RAYS), ચુંબકીય કિરણો (MAGNETIC FIELD), અને એ રેડીયેસ્ન(RADIATION) માણસ ને અજાણતા માં અકલ્પનીય નુકશાન પહોંચાડે છે જે આજે તો નહિ પરંતુ થોડા વર્ષ પછી ચોક્કસ માથું ઊંચકશે અને ત્યારે માણસ લાચાર હશે.
    KINDLY VISIT THE LINKS BELOW TO KNOW THE ADVERSE EFFECTS OF MOBILE AND MOBILE TOWERS ON HUMAN BODY.
    http://electronics.howstuffworks.com/cell-phone-radiation2.htm
    http://www.cancer.org/Cancer/CancerCauses/OtherCarcinogens/AtHome/cellular-phone-towers

    આજે ખરેખર એવી પરસ્થિતિ નિર્માણ થઇ ગઈ છે કે કહેવું અઘરું છે કે કોના બટન કોના હાથ માં છે.

    હું તો એટલુજ કહીશ ભગવાન સહુ નું ભલું કરે અને શરૂઆત મારા થી કરે… 😉

    Thanks n Congrats Snehaben for your such a usual yet very sensitive topic post. 🙂

    Like

  9. સ્નેહા બેન

    અભિનદન ! આપે જે મુદ્દો ઉઠાવ્યો તે ખુબ સમયોચિત છે, હું છેલ્લા ૧૩ વર્ષ થી નેટ ઉપર સક્રિય છું,
    જેમ દરેક સિક્કા ની બે બાજુ હોઈ છે એમ દરેક સવલત ના ફાયદા અને ગેર ફાયદા હોય છે,

    મેં ચેટીંગ ની આદત ને કારણે મારા અંગત મિત્રો ના ઉઝડતા પરિવાર જોયા છે. તો નેટ પર થી પોઝીટીવ થીંકીંગ
    ડેવલપ કરી ને જોડાતા પરિવાર પણ જોયા છે, મેં આગળ ક્યાંક લખ્યું તેમ “ANYTHING IN EXCESS IS POISON ”

    મૂળભૂત શોખ જેવાકે વાંચન, ગીત-સંગીત , ચિરંજીવી હોઈ છે, પરંતુ આ નેટ એડીક્સન બહુ લાંબુ રહેતું નથી,

    હું ફેસબુક પર સક્રિય છું, અને ઘણા મિત્રો એવા જોયા છે કે તે જિંદગી માં ઘટતું હોઈ તે ત્યાં સોધે છે અને ૯૦% કેસ માં જે મળે તે
    ઝાંઝવાના જળ સમાન હોય છે.

    ખરી વાસ્તવિકતા એ છે, કે આપણે ગમે એટલી ચર્ચા કરીએ, લખીએ, પરંતુ એનો વ્યાપ એટલો છે કે આપણા પ્રયત્નો વ્યર્થ જશે. છતાં પણ હું વયક્તિગત રીતે મારાથી થાય એટલા પ્રયત્ન કરી મિત્રો ને સમજાવતો હોવ છું, હને ઘણે અંશે પરિણામ હકારત્મક જોવા મળે છે.

    Like

  10. Wowwww…..yaar hamana damn busy chu, to tara blog par avatu j nathi!!! But yaaar amazing….mast mast lakhe che…thanks ke tu ahiya upload kare che to vanchi levay, miss na thay…..just one word for all ur writing superbbbbbbbbbb

    Like

  11. ^ thnx a lot mithdi…maro ek e ek shabd blog par tane mali rahese dear…so shanti thi game tyare tu ahiya vanchi shakish…

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s