ખુશીમંત્ર

પ્રેમ કરો અને ખુશ-ખુશ,ખુબસુરત રહો…
બે સરસ મજાની સખીઓ હોય છે. લોકો એમના સખીપણાના સોગંધ ખાતા હતા.  લોકોની કાળીનજરથી બચતી બચતી એ બે સખીઓ તો એમની જીંદગીમાં જ મસ્ત રહેતી હતી. બેયને એક બીજા માટે અનહદ લાગણી હતી..એ પ્રેમ એમના વર્તનમાં છલકતો અને બેયની દિનચર્યા પર પણ એનો પડછાયો રહેતો. પરિણામે એમના દિવસો ખુશહાલીમાં પસાર થતાં.

હંમેશા થતું આવ્યું છે એમ જ થોડી ગેરસમજના લીધે એકવાર એ બેય જણની દોસ્તીને જમાનાની કાળી નજર લાગી જ ગઈ પરિણામે બેય જણ વચ્ચે અબોલાની દિવાલ ઊભી થઇ ગઈ..બેયના દિલમાં એકબીજા માટે લાગણી ભરપૂર હતી. એક-બીજા પર વિશ્વાસ પણ હતો. પણ..તોતેર મણનો ‘ઇગો’ વચ્ચે આવી ગયો. એમાં ને એમાં એક..બે..ત્રણ અને દિવસો ના દિવસો પસાર થઇ ગયા. વિશ્વાસની દિવાલો કાચી પડવા લાગી..પ્રેમને શંકાની ઊધઇ ખોતરવા લાગ્યો. પ્રેમના બદલે પહેલા ગુસ્સો..અવહેલના અને છેલ્લે ધ્રુણાનું ખાતર ખાઈને નફરતનું બીજ છોડ થતું ચાલ્યું. નફરતની કાળી છાયાથી રંગાઇને બેય સખીઓ દિવસે ને દિવસે નિસ્તેજ થતી ચાલી. સુકાતી ચાલી.

એક સંબંધી આ બધો ખેલ દુરથી જોતાઆવ્યા હતા.મનોમન દુઃખી થતા હતા. મનમાં હતું કે એક દિવસ પરિસ્થિતી જરુરથી સુધરશે..પણ આ હાલ જોઈને એમને થયું કે હવે ચુપ રહેવું બરાબર નથી જ..એમણે અથાગ પ્રયત્નો કરીને એ બેય સખીઓની ગેરસમજ દૂર કરી. નફરતનું કોઇ જ  કારણ નહોતું એવું ભાન થતા જ બેય સખીઓના દિલમાંથી પહેલાની જેમ જ પ્રેમની સરવાણી ફુટી અને બેય ફરીથી પહેલાની જેમ પ્રફુલ્લિત થઇ જવાથી ખુબસુરત લાગવા માંડયા. ગળે મળીને પસ્તાવો કરવા લાગ્યા કે,’કેટલો બધો સમય વેડફી નાખ્યો આ નાની શી જીંદગીમાં પોતાની પ્રિય વ્યક્તિને નફરત કરવામાં..”

બોધઃ- જેને સાચા દિલથી પ્રેમ કર્યો હોય એને તમે કદી નફરત કરી જ નથી શકતા. એ તમારી જાતને છેતરવાનું  કામ કહેવાય. એ છેતરામણી, એ નેગેટીવીટી તમને અંદરથી કોરી ખાય છે અને પરિણામે તમે પોતે જ દુઃખી થાઓ છો. શક્ય હોય તો બને એટલું જલ્દી એમને માફ કરી દો અને ફરીથી એક-બીજાની નજીક જવાની એક તક ઝડપી લો..કોને ખબર ગેરસમજના ઢગલામાંથી  પ્રેમાળ પ્રિયજનની સોય મળી પણં આવે..!

http://www.facebook.com/note.php?note_id=194962963871032&comments

સ્નેહા પટેલ – અક્ષિતારક.

Advertisements

4 comments on “ખુશીમંત્ર

  1. સ્નેહાબેન,

    શું તમે માણો છો કે પ્રેમમાં આમ બને ? પ્રેમ, વિશ્વાસ શ્રદ્ધા આ બધા એવા શબ્દો છે જેને આપણે સાબુની ગોટીની જેમ ગમે ત્યારે ઉપયોગમાં લઈએ છીએ. જેમ અંગ્રેજો સોરી શબ્દ શિક્વાડી ગયા તેમ જ. આ જ સોરી શબ્દનો પ્રયોગ જ્યારે ગુજરાતીમાં કરવાનું આવે તો બોલવામાં ઘણી જ મુશ્કેલી પડે છે ને ? ભૂલ બદલ આપને કોઈને કહી શકીએ કે ભાઈ, ભૂલ થઇ છે તો મને માફ કરજે ? ણા, પણ સોરી તૂરત કહી શકાય.

    બસ, પ્રેમનું પણ આવું જ કરી નાખેલ છે. પ્રેમ એ સમર્પણ, પૂજા છે. તેમાં આપવાનું હોય છે, મેળવવાની અપેક્ષા જ્યારે તેમાં ઉમેરાય ત્યારે આવા જ પરિણામ આવે. અને વિશ્વાસની તો વાત જ અહીં આવતી નથી. કારણ તેનું પોતાનું જ એક અલગ અસ્તિત્વ છે. જે ઘડીકમાં આવે અને ઘડીકમાં તૂટી જાય તેને વિસ્વાસ ણા કહેવાય પણ સમય સાથે ની સમજોતા કહેવાય તેમ મને લાગે છે. માણસ આમ જ ભ્રમમાં જીવે છે અને મારે છે.

    Like

  2. “હા જ્યારે પ્રેમાળ પ્રિયજનની સોય ને શોધતા હો,
    ત્યારે સમજણ અને ઊદારતા નુ Magnet સાથે રાખવા નુ..
    પ્રિયજનની સોય જલ્દી મળી જાય…

    Like

  3. ખુશીમંત્ર વાંચીને હું તો ખુશ-ખુશ થઈ ગયો. કહેવાનું તાત્પર્ય એટલું જ છે કે ગમ અને ખુશી એક જ સિક્કાની બે બાજુ છે અથવા તો એક જ મનમાં અનુભવાતા બે ભાવો છે.

    એક નાનકડી વાર્તા કહું?

    એક સંગીતનો જલસો હતો. સુપ્રસિદ્ધ સંગીતકારો ત્યાં ગાવાના હતાં. એક ભાઈ મનમાં ઉત્સાહ ભરીને તે સાંભળવા પહોંચ્યા. ત્યાં તેમને ઘણાં બધાં મિત્રો મળ્યા. તે ખુશ ખુશ થઈગયો. પણ તેણે જોયું કે ત્યાં એક તેને અણગમતી વ્યક્તિ પણ હતી. તેનું મન ખીન્ન થઈ ગયું સંગીત સાંભળવાની બદલે તેનું મને તે અણગમતી વ્યક્તિના વિચારે ચડી ગયું અને તેનો ઉત્સાહ ઓસરી ગયો. પાછો ફર્યો ત્યારે તેની ખુશી ગમગીનીમાં પલટાઈ ગઈ હતી. આવું કેમ બન્યું? તેનું કારણ દ્વેષ – કોઈ પણ વ્યક્તિ પ્રત્યેનો દ્વેષ તરત આપણાં મનમાં કટુતાનું ઝેર ઉભુ કરે છે.

    બોધ: આ જગતમાં કોણે રહેવું અને કોણે ન રહેવું તે આપણે નક્કી ન કરી શકીએ પણ આપણે કેવી રીતે ખુશ રહેવું કે ગમગીન થવું તે આપણાં હાથની વાત છે.

    Like

  4. “જેને સાચા દિલથી પ્રેમ કર્યો હોય એને તમે કદી નફરત કરી જ નથી શકતા”… ખુબ જ સાચી વાત.
    જ્યાં પ્રેમ હોય ત્યાં નફરત, અહંકાર, સ્વાર્થ, કે કોઈ પણ નકારાત્મક વિચારો એક પળ પણ રહી શકતા નથી. સાચી મિત્રતામાં એકબીજા પ્રત્યેની હુંફ, લાગણી, શ્રદ્ધા, વિશ્વાસ અને એકબીજાનો આધાર-સ્તંભ બનવાની ઉત્કટ ભાવના એટલી બધી મજબુત હોય છે કે દુનિયાની કોઈ પણ વસ્તુ એ મિત્રતાને તોડી શક્તિ નથી. મિત્રને ક્યારે, શું જરૂર પડશે એની ખબર કે એની આંતરસ્ફુરણા આપમેળે જ થઇ જાય છે. ને જીવનમાં આત્મસાત કરી લેવાથી મૈત્રી મધુરી બની જાય છે.
    સર્વોત્તમ આત્મિક ઐક્ય, પ્રેમના આ અખંડ કરુણાસભર સ્ત્રોતમાં, સનાતન બની જાય છે. હોસ્ટેલમાં ભણતા વિદ્યાર્થીઓમાં કોઈ વાર આવો મૈત્રીભાવ જોવા મળે છે. પોતાના માંદા પડેલા વિદ્યાર્થીમિત્રને માટે દવાથી માંડીને જમવાની વ્યવસ્થા એ મિત્રે કોઈ પણ અપેક્ષા વગર પ્રેમપૂર્વક કરી મૈત્રીને સાર્થક કરી હતી.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s