મિત્રતાનો ઓચ્છવ

friendshipday -sneha patel

મિત્રતા…
એક એવો શબ્દ કે જેના નશામાં વારંવાર ડુબવાનું મન થાય. દુનિયાનો કોઇ પણ માણસ એવો નહી હોય કે જેને એક સાચા મિત્રની ખોટ ના સાલતી હોય. જીવનના વિધવિધ તબક્કે દરેક માનવી નામના બેપગા સામાજીક પ્રાણીને આ સહારાની જરુર પડતી જ હોય છે. હા, એની તીવ્રતા દરેક માનવીએ અલગ અલગ હોઇ શકે. કોઇને ગરમા ગરમ ગોટા ખાતા ખાતા મિત્રના સહવાસની ઝંખના હોય, તો કોઇને પોતે અમુક મુશ્કેલીઓમાં ફસાયેલા હોય ત્યારે એમાંથી રસ્તો શોધવા મિત્રની જરુર પડતી હોય, કોઇને વળી હસવા માટે, તો કોઇને વળી રડવા માટે મિત્રની જરુર પડે. માનવીએ – માનવીએ એની વ્યાખ્યાઓ બદલાતી હોય છે. કારણ મિત્રતા તો મિત્રતા જ છે. એને વળી વ્યાખ્યાઓમાં ક્યાં બાંધી શકાય…?

વ્યક્તિ સજ્જ્ન હોય કે દુર્જન પણ એમના મિત્ર કદી દુર્જન ના હોય. કૃષ્ણ ભગવાન સજ્જન અર્જુનના મિત્ર હતા, તો સામે દુષ્ટ દુર્યોધનનો જીગરી મિત્ર કર્ણ પણ એનો એટલો જ સાચો મિત્ર હતો ને….!!!!

કોઇ મિત્રતાને અધિકારોની..અપેક્ષાઓની સીમારેખામાં મુશ્કેટાટ બાંધીને રાખવા માંગતા હોય છે. તો વળી કોઇ એને મોરપીંછ જેવી હળવી ફુલ રાખવા માંગતા હોય છે. જેવી જેની મતિ.. સાચો મિત્ર શોધવા માટે તમારે કંઇ કોલંબસ બનવાની જરુર નથી. કારણ એ તો ગમે ત્યારે ગમે તેની સાથે થઇ શકે. સાચી મિત્રતા એટલે એક રેશમી ઋણાનુબંધ કહી શકો તમે. કવિશ્રી સુંદરમે પણ કહ્યું છે કે .. ‘સ્નેહની સર્વ કડીઓમાં મૈત્રી સર્વની વડી.’ આ સંબંધ દરેક માનવી પોતાની સમજાનુસાર બાંધતો હોય છે. માણસો ભગવાને આપેલા લોહીના સંબંધો કરતા પણ આ સંબંધોનો જતનથી ઉછેર કરતો હોય છે.. !! મિત્ર એ એક મોંઘેરી મિરાત જેવી જ છે. દરેક મિત્રતા એકવાર તો આ તબક્કે પહોંચી જ જતી હોય છે કે જયાં , ”યે દોસ્તી હમ નહી તોડેગે..” આવા ગીતો આપોઆપ મોઢામાંથી સરી પડ્યા જ હોય.

કોઇ જ કારણ વગર સાવ જ અકારણ મળવાનું પણ જેને મન થાય એ છે સાચો મિત્ર.
જે હસે અને દિલ તમારું ભીંજાય એ છે સાચો મિત્ર.
જે રડે અને મન તમારું આળું થાય એ છે સાચો મિત્ર.
જેને ગુસ્સો કરીને.. સણસણતી ગાળો દઇને… બરડે એક ધબ્બો મારીને પ્રેમ કરી શકાય એ છે સાચો મિત્ર..

ઘણા મિત્રો લાગણીના એ છોડને અમુક બાંધ-છોડ કરી કરીને, અમુક ટાઇમે પોતે મુર્ખા છે એવા નાટકો કરીને પણ સ્નેહથી, સચ્ચાઇથી સીંચતા હોય છે. બહુ જ નસીબદાર હોય છે જેમને આવા પ્રામાણિક અને લાગણીશીલ મિત્રો મળે છે. ભગવાનનું એક અણમોલ વરદાન કહી શકો તમે આવા દોસ્તોને…!! વળી પતિ-પત્ની પણ અમુક અંશે એક-બીજામાં મિત્રની શોધ કરતા જ હોય છે. એક બીજાના મિત્ર બની રહેવાનું દરેક દંપતીને ગમતું જ હોય છે. એક – મેક્ના સાચા મિત્ર બનીને જીવવું એ લગ્નજીવનની સુખરુપ ચાવી પણ કહી શકાય.
દોસ્તી એ તો જાણે સમજાયું..પણ દોસ્તીદિન, મિત્રતાદિન ઉજવવો કઇ રીતે..? આમ જોવા જાઓ તો દોસ્તી સ્વ્યંમાં જ એક ઊત્સવ છે. દોસ્તને મળ્યાં..વાતો કરી… અરસ પરસ સમસ્યાઓના સમાધાન કરી દિલ હલ્કા કર્યા એટલે દોસ્તીનો મહોત્સવ જ ઉજવાઇ ગયો સમજોને..

પણ આજના ધમાલિયા જીવનમાં દોડાદોડ કરતો માનવી અમુક સમયે ખરા દિલથી ઇચ્છવા છતાં મિત્રોને એના કપરા સમયે પડખે ઉભો રહીને સાથ નથી આપી શકતો. એવા મિત્રો માટે ‘ફ્રેંન્ડશીપ ડે’ જેવા દિવસો બહુ જ મહત્વ રાખે છે.

ધારોકે, બે ગાઢ મિત્રો છે. પણ એક મિત્રની સિગારેટ પીવાની ટેવ બીજા મિત્રને ખુબ જ હેરાન કરે છે. જ્યાં સુધી ચાલ્યું ત્યાં સુધીtતો એણે સહન કર્યું. પણ એક દિવસ બોલાઇ ગયું…આ મિત્રતા જેટલી સરળ છે એટલી જ અઘરી અઘરી પણ છે..!! કારણ એ સીધી દિલ સાથે, લાગણીઓ સાથે જોડાયેલ હોય છે. એમાં મોટી મોટી વાતો સહન થઇ જાય છે..પણ અમુક નાની લાગતી સાવ બાલિશ વાતો પણ કાળજે કારા ઘા કરી જાય છે… બસ.. દોસ્તી તૂટી ગઇ..!! બેય મિત્રો હિજરાતા હતાં.એક બીજા વગર તડપતા હતા. પણ બોલી નહોતા શકતા..એવામાં મિત્રતાદિવસ આવ્યો..બેય મિત્રો એક બીજાને બહુ જ યાદ કરતા હતા..જોવાને તરસતા હતા…આખરે..એક મિત્રથી ના રહેવાયું. સીધો ગયો પાનના ગલ્લે..સારામાં સારી બ્રાંડની સિગારેટ ખરીદી. અને પોતાના માટે એક નાક ઢાંકવાનું માસ્ક. સીધો ગયો દોસ્તાર પાસે. કંઇ જ બોલ્યા વગર નાક પર માસ્ક ચડાવ્યું. અને પેલાના હાથમાં સિગારેટનું ખોખું પકડાવ્યું… પેલો મિત્ર તો અવાચક ..!!! પોતાના જીગરજાન મિત્રને ભેટી જ પડ્યો.. એનો હાથ પોતાના હાથમાં લીધો ત્યાં તો એના મિત્રના હાથમાંથી કંઇક સરકી આવ્યું..નવાઇ સાથે જોયું તો લાઇટર..!! એ મિત્ર ચોધાર આંસુએ રડી જ પડ્યો. સિગારેટને કાયમની તિલાંજલી અને એ દોસ્તને પોતાના જીવનમાં રહેવાની કાયમની પરમીટ આપી દીધી…તો હવે આનાથી વધુ સારી રીત કઇ હોઇ શકે મિત્રતા દિવસ ઉજવવાની..?

બાકી સુદામાએ કૃષ્ણ સાથે તાંદુલ ખાઇને દુનિયાનો સૌથી ન્યારો મિત્રતાદિન ઊજવેલો એ જગજાહેર વાત જ છે ને.. !!

મિત્રતા દિવસની ઊજવણી એટલે મિત્રોએ સાથે ઊજવેલી પળોનો ફરી સાક્ષાત્કાર કરવો. એક્મેકના જીવનમાં એ સુંવાળી..મધુરી યાદો વડે મેઘધનુષ્યના રંગોની પીંછી ફેરવી જીવન રંગબેરંગી કરી નાંખવું. એકમેકના ખભે માથું મૂકીને ધોધમાર રડી લેવાનું..આંસુના એ પૂરમાં બેફિકર થઇને તણાઇ જવાનું… એક-બીજાની એંઠી કોફીના ઘુંટડા ગળે ઉતારતા ઉતારતા ફરીથી એકવાર કેરમબોર્ડમાં કાળી-ધોળીને રાતી કુકરીઓ ગોઠ્વીને થોડી થોડી અંચઇ કરીને સાવ નાજુક નફફટાઇથી જ જીતી જવાનું..અને સામે પક્ષે પણ જાણી જોઇને હાર્યાનો આનંદ મનાવવાનો.. લંગડી..ખો ખો…દોડ પકડ ..લખોટી….પતા..જે પણ રમતો રમેલા એ ફરી એક વાર રમી લેવાની અને એ ખોવાયેલો સમય ફરી એક્વાર યાદ કરીને આજને, આ ક્ષણને સુગંધિત…પ્રફુલ્લિત કરી જવાની.. તમે જેવા છો એવા ને એવા જ મિત્ર સામે ખુલ્લા દિલે એકરાર કરીને પ્રામાણિકપણે અમુક ગુનાઓ કરવાની મનમાની કરી લેવાની અને સામે મિત્રને પણ એવી છુટ્છાટ ખુલ્લા દિલે બેધડક આપી દેવાની…બહુ જ ઓછા લોકો હોય છે દુનિયામાં જે તમને જેવા છો એવા જ રુપે સ્વીકારી શકે અને પ્રેમ કરી શકે..વરસી શકે.. બધા રેઇનકોટીયા સંબંધોથી પર એવા આ સંબંધોમાં…બસ. તમારે પણ ગજા બહાર વરસી જ પડવાનું..અને મનભરીને ભીંજાઇ પણ જવાનું… ભીંજાવા અને વરસવાની ઘટનાના ફ્લસ્વરુપે મૈત્રીના છોડ પર ચોક્ક્સ સદાબહાર સંવેદનાના સુગંધિત ફુલો ખીલી આવશે.. બધા દુખોને, અસંતોષોને એ વરસાદમાં હોડી બનાવીને તરતા મુકી દેવાના…વહાવી દેવાના…શું સાચું અને શું ખોટું એ દુનિયાદારીનું ભાન જ્યાં તમે ભુલી શકો એ જ સાચી મિત્રતા…બસ તો એવા મિત્રો સાથે અલગ જ દુનિયામાં મિત્રતાના નશામાં ઝુમવાનું..નાચવાનું…ગાવાનું…જે મન થાય એ કરવાનું..અને દિલને મબલખ મધુરી યાદોથી ભરીને જીવનમાં સુખના દિવસોનો ગુણાકાર અને સરવાળા અને દુખોની બાદબાકી કરી દેવાની.. જીવનમાં કરેલા સારા ને ખોટા કામોની સૂચી પૂરા વિશ્વાસથી મિત્રના કાનમાં રેડી દેવાની અને એની બધી વાતો પેટના ઊંડાણમાં ડાટી પણ દેવાની.. એકબીજાની અપેક્ષાની એરણે એકદમ પ્રામાણિકપણે ખરા ઊતરવાનું..મિત્રતા સદાયે અજર – અમર રહેશે… એવા વચનોની આપ-લે કરી લેવાની.. એક-મેકની આંખોમાં આંખ પૂરોવીને..હાથ હાથમાં લઇને દિલોની વાત સમજી જવાય..શબ્દોની કે કોઇ જ ભાષાની જરુર ના પડે એવી અનોખી આ દોસ્તીની ભાષા ઉકેલવાની …દિલના ઊંડાણથી દોસ્તીને પરિપકવતાની ચરમસીમાએ લઇ જવાની…ફ્રરિયાદો નહી પણ આનંદ આનંદ…ફકત આનંદની છોળો ઊછાળવાની..બધો અહમ ઓગાળી..મિત્રએ કરેલી બધી ભુલો ભુલી મિત્રને ગળે લગાવી દેવાનું..અને કહેવાનું, ‘તું જેવો છે એવો જ મને પસંદ છે ‘

ફક્ત, એટલું ધ્યાન રાખવું ઘટે કે મિત્રોની જવાબદારી ક્યારેય ના બનો…હા બની શકે તો એમના હક જરુર બનો.

બાકી મિત્રતાદિન ઊજવવા માટે ક્યાં કોઇ મોટી મોટી ભેટ-સોગાદોના વ્યવહારવાળી પાર્ટીઓની જરુર છે.. એ તો દરિયાકિનારે એક-બીજાનો હાથ પકડીને ચાલતા ચાલતા ખીસામાંથી એક મગફળી કાઢી.. એના અડધા અડધા ફાડિયા કરીને અડધો ટુકડો તમે ખાઓ અને અડધો ટુકડો મિત્રને ખવડાવો… મિત્રતાદિન આમ પણ ઊજવી જ શકાય છે ને .
છેલ્લે એક વાત… લખવું..વાંચવું… સમજવું અને એને અનુસરવું એ બધામાં બહુ જ અંતર હોય છે. આટ-આટલી આદર્શ વાતો વાંચીને તમે એ પ્રમાણે ના વર્તી શકો તો તમારે નિરાશ થવાની જરુર નથી..તમે પણ એક સામાન્ય માનવી જ છો…અનેક કમીઓથી ભરપૂર્.. પણ એની ચિંતા ના કરો..બસ તમે જેવા છો તેવા જ પૂરે-પૂરી નિષ્ઠાથી અને લાગણીથી મિત્રના દિલ તરફ વહેવા માંડો .. ચોકકસ મિત્રના દિલનો રસ્તો મળી જ જશે. સાચા મિત્રોને કશું સમજાવવાની કે દેખાડવાની જરુર ક્યાં પડી છે કદી…??

સ્નેહા પટેલ – અક્ષિતારક
૨૧ જુલાઇ-૨૦૧૦.

Advertisements

26 comments on “મિત્રતાનો ઓચ્છવ

  1. Shri Snehaji, Its my pleasure to read this post about friendship. Touched by the example given by you. Hope everyone will learn something from this post and cherish the friendship in their life.

    Regards
    Jaynath Sisodiya

    Like

  2. Friendship is not about …..
    ” I m sorryy…”
    It’s about …
    “અબે તારી ભૂલ છે…….”

    It’s not about …………
    ” where r u ? ”

    It’s about…
    “ક્યા મરી ગયો સાલા ……”

    It’s not about…
    ” I understand ”

    It’s about….
    “બધું તારા કારણે થયું છે…મનહુસ ….”

    It’s not about…
    ” i care 4 u ”

    It’s about …
    ” બદમાશો તમને છોડી ને ક્યા જઈશ…..”

    It’s not about…
    I am happy 4 your success”

    It’s about …………
    “ચાલ પાર્ટી આપ સાલા કંજુસ…….

    nice article ..happy friendshipday sheha mem …….

    Like

  3. જેને ગુસ્સો કરીને.. સણસણતી ગાળો દઇને… બરડે એક ધબ્બો મારીને પ્રેમ કરી શકાય એ છે સાચો મિત્ર..

    nice article
    Happy Friendship Day in advance

    Like

  4. મારો દોસ્ત
    ————-
    આંખોથી મારી જો આંસુ વહે
    એને લૂછે તું, ને કહે…..મૈ હું ના !
    શાને એકલ એકલ આ ભાર વહે
    ઘૂંટાતા રહી, ચૂપચાપ સહે…મૈં હું ના !
    મુકુંદ જોશી

    Like

  5. લેખ સારો છે, પરંતુ તમે કહ્યું તેમ મિત્રતાની કોઈ એક વ્યાખ્યા નથી કે સમજણ નથી, કારણ સૌપ્રથમ તો મિત્રતા હોવી એ જ ભાગ્યની વાત છે, હવે કેવી અને કઈ તે અલગ વાત છે.,

    friendship day, mother day વિગેરે મને નથી લાગતું કે ભારતીય સંસ્કૃતિની વાત હોય!? કારણ તે સતત છે, અવિરત છે, તેનો કોઈ અલગ દિવસ નાં હોઈ, તે હમેશ હોય.

    જીવનના અંતિમ સમય સુધી જે કોઈ સંબંધ કોઈપણ પ્રકારની અપેક્ષા કે આશા વિના જળવાઈ રહે તે જ સાચી મિત્રતા પછે કોણ સામે છે, તે જરૂરી નથી..

    અશોકકુમાર દેશાઈ

    das.desais.net

    Like

  6. સાચી મિત્રતા એટલે એક રેશમી ઋણાનુબંધ કહી શકો તમે…

    જે હસે અને દિલ તમારું ભીંજાય એ છે સાચો મિત્ર.
    જે રડે અને મન તમારું આળું થાય એ છે સાચો મિત્ર…waah ! sundar vaat kari d..

    સિગારેટને કાયમની તિલાંજલી અને એ દોસ્તને પોતાના જીવનમાં રહેવાની કાયમની પરમીટ આપી દીધી… 🙂

    આંસુના એ પૂરમાં બેફિકર થઇને તણાઇ જવાનું… yes…

    બહુ જ ઓછા લોકો હોય છે દુનિયામાં જે તમને જેવા છો એવા જ રુપે સ્વીકારી શકે અને પ્રેમ કરી શકે..વરસી શકે.. kharekhar sachu kahyu aape..!

    ફક્ત, એટલું ધ્યાન રાખવું ઘટે કે મિત્રોની જવાબદારી ક્યારેય ના બનો…હા બની શકે તો એમના હક જરુર બનો…hummm !
    સાચા મિત્રોને કશું સમજાવવાની કે દેખાડવાની જરુર ક્યાં પડી છે કદી…?? nahi kyaarey nahi…!

    1 sheer, kyaank vanchyo to.. 🙂 mitro mate….tamari mate..
    mile tumse to hume kuch yaad aagaya,
    mile tumse to sab kuch raas aagaya..
    ab tumse kahe bina raha na gaya,
    ey dost tere sath dosti ka maza aagaya…! 🙂 maari pyaari d !

    Like

  7. મિત્રતા વિશેના બહુ જ સુંદર વિચારો. બંસીનાદ બ્લોગ પરથી:

    “જીવનમાં ઘણાં લોકો સાથ મુલાકાતો થાય છે, વાતો થાય છે, ઈ-મેલોની આપ-લે થાય છે, સાથે ચ્હા-નાસ્તો પણ થાય છે એ બધું સાચું પણ અમુક મિત્રો દિલમાં ખાસ વસી જાય છે, અને કોઈપણ અંગત વિષય પર એમની સાથે વાત પૂરેપૂરા વિશ્વાસ સાથે થઈ શકે છે. જયારે એ મિત્ર મળે ત્યારે બસ..પછી દિલ ખોલીને બધી વાતો કરી લઈએ..
    મૈત્રી, સરી જતી નદીની લહેરોની જેમ,જીવનની ક્ષણોની જેમ, સનાતન ગતિમાન છે. જેવી રીતે નદીમાં પત્થરોરૂપી કે આપણા જીવનમાં મુશ્કેલીઓરૂપી અવરોધો આવે છે તેવી રીતે આ સનાતન મૈત્રી પામવાની દિશા તરફ પણ ઘણી વાર અંતરાયો આવતાં હોય છે પણ શાશ્વત શ્રદ્ધા,વિશ્વાસ, સમર્પણ, સહકાર, પૂજા અને એકનિષ્ઠ પ્રેમ વડે એ બધાં અંતરાયો આપોઆપ દૂર થઈ જાય છે. મૈત્રીનો અમૃતમય સ્વાદ કાયમ માટે રહી જાય છે. એ સ્વાદ કે એની મીઠાશ કદી ભૂલાતાં નથી.
    સુંદર મૈત્રી માનવમનની કોમળતાને સ્પર્શી જઈ દિવ્યાનંદનો અનુભવ કરાવે છે. બંધનમાંથી અલોકિક મુક્તિ તરફ લઈ જઈ રાધા-કૃષ્ણ કે પછી કૃષ્ણ-સુદામા જેવી નિર્મળ મૈત્રીની મધુરાશ હૈયામાં કોતરાઈ જાય છે.”
    અને

    “દુ:ખ વિષય પર એક નિબંધ લખવા બેઠો…
    બહુ વિચાર્યુ …ના કાં ઇ સુજ્યુ…
    હાય ….રે…નિબંધ…અધુરો રહ્યો..
    એક મિત્ર ની સાથે મિત્રતા બાંધી….
    હાશ….!!! નિબંધ પુર્ણ થયો…..!!!
    – હસમુખ ધરોડ ‘અંકુર’”

    Like

  8. મૈત્રી નું એક ઉપનિષદ હોય છે,
    તેમાં સચ્ચાઈ થી ઓછું કંઇ ના ખપે.
    -સુરેશ દલાલ

    nice che….. taro aa article..

    કોઇ જ કારણ વગર સાવ જ અકારણ મળવાનું પણ જેને મન થાય એ છે સાચો મિત્ર.
    aam to aa vakya ma j article no hetu puro thay che j sahaj avi male te.. sahaj sachvai jay tees ambandh mitratanoo hoi sake.. ane eg example shodhvani mate bahu door javani jaroor nathi.. kharu ne?

    પતિ-પત્ની પણ અમુક અંશે એક-બીજામાં મિત્રની શોધ કરતા જ હોય છે. એક બીજાના મિત્ર બની રહેવાનું દરેક દંપતીને ગમતું જ હોય છે. એક – મેક્ના સાચા મિત્ર બનીને જીવવું એ લગ્નજીવનની સુખરુપ ચાવી પણ કહી શકાય.

    લખવું..વાંચવું… સમજવું અને એને અનુસરવું એ બધામાં બહુ જ અંતર હોય છે.

    aa vakyoo hriday ne sparshi gaya..

    baki ujavanii too ava sacho mitra made tema j puri thai jay .. kharu ne?… jub we met…..hahahaahha right?

    Like

  9. મિત્ર એટલો એવો વ્યક્તિ કે વગર પીંછીએ દોરે એક ચિત્ર. એમાં રંગ પુરે. અને જીવનને જીવવાનું એક કારણ બને.

    સરસ લેખ. આભાર.

    Like

  10. dost to ghana male aa jindgini safarma
    pan vagar bole samaje evi mtrata nasibdarnej male.

    sneha mane mali orkut per tara aa pravahne hamehsa vehva deje khubaj saras lageke aa maraj manni vaat tu kahe chhe.
    lagnini je kadithi jodayela chhe te raheshe sada emaj

    Like

  11. મિત્રએ કરેલી બધી ભુલો ભુલી મિત્રને ગળે લગાવી દેવાનું..અને કહેવાનું, ‘તું જેવો છે એવો જ મને પસંદ છે ‘

    aa vakya kahenaro mitra jindgi ma mali jay enathi motu saubhagya kai j nathi..pan…….

    Like

  12. શ્રી સ્નેહાબેન,

    આપની આ પોસ્ટ ખુબ ગમી અને તમે આ રીતે લખતાં રહો એવી શુભેચ્છા.

    “સાચો મિત્ર શોધવા માટે તમારે કંઇ કોલંબસ બનવાની જરુર નથી. કારણ એ તો ગમે ત્યારે ગમે તેની સાથે થઇ શકે.”

    મૈત્રી ગમે ત્યારે ગમે તેની સાથે થઇ શકે છે પણ સાચો મિત્ર મળવો મુશ્કેલ જ હોય છે અને કદાચ એના માટે કોલંબસ પણ બનવું પડે.

    અને બીજી અમુક વાતો ખુબ ગમી જેમ કે,

    “જીવનના અંતિમ સમય સુધી જે કોઈ સંબંધ કોઈપણ પ્રકારની અપેક્ષા કે આશા વિના જળવાઈ રહે તે જ સાચી મિત્રતા પછે કોણ સામે છે, તે જરૂરી નથી..”

    “બહુ જ ઓછા લોકો હોય છે દુનિયામાં જે તમને જેવા છો એવા જ રુપે સ્વીકારી શકે અને પ્રેમ કરી શકે..વરસી શકે..”

    આપને એક વિનંતી છે કે બ્લોગિંગ કરતી વખતે ફોન્ટ નો કલર કાળો પસંદ કરશો તો વાંચવામાં વધુ અનુકુળતા રહેશે.

    Like

  13. નીલભાઇ..આ બરાબર છે..આપનો ખુબ ખુબ આભાર માર્ગદર્શન બદલ…

    મારા બધા મિત્રોને મિત્રતાદિનની ખુબ ખુબ શુભેચ્છાઓ.

    Like

  14. સરસ લેખ છે, વાંચવાની મજા આવી ગઇ,

    … આવી દોસ્તીમાં એક વાત ખાસ યાદ રાખવાની કે, એકતરફી પ્રેમ કદાચ થઇ શકે પણ એકતરફી મિત્રતા શકય નથી. પ્રેમ કે દૂનિયાના કોઇ પણ સંબંધ કરતા દોસ્તીમાં સૌથી વધારે મોકળાશ રહેતી હોય છે કારણ કે દોસ્તીમાં ક્યાંય કશુ ફરજીયાત નથી. માટે જ જીવનમાં સાચા મિત્ર માટે મન સતત ઝૂરતું રહેતું હોય છે અને જો મળી જાય તો દૂનિયાના સૌથી સુખી માણસ હોવાનો અહેસાસ થાય છે.

    … ‘‘પોષતું તે મારતું એ ક્રમ દિશે કુદરતી’’ એ વાત અહીં પણ લાગુ પડી જાય છે. દુનિયાના કોઇ પણ સંબંધનું તુટવું એ એટલું દુખદ ના બની શકે જેટલું એક સાચી દોસ્તીનું તુંટવું બનતું હોય છે. કદાચ માટે જ દોસ્ત કરતા દોસ્તીનું મૃત્યું વધારે દુખદાયક રહેતું હોય છે.

    … ક્યાંય ‘‘ટેકન ફોર ગ્રાન્ટેડ’’, ‘‘પેઇન કિલર પીલ્સ’’, કે ‘‘પગલુછણીયું’’ કે ‘‘ટોઇલેટ પેપર’’ ના બની જવાય એનું ખાસ ધ્યાન રાખવું….

    વીશ યુ ઓલ હેપ્‍પી ફ્રેન્ડશીપ ડે…

    Like

  15. hi Sneha,

    frindship mate khub saras lakhyu che.. i like this topic..

    મિત્રોની જવાબદારી ક્યારેય ના બનો…હા બની શકે તો એમના હક જરુર બનો.

    ..બસ તમે જેવા છો તેવા જ પૂરે-પૂરી નિષ્ઠાથી અને લાગણીથી મિત્રના દિલ તરફ વહેવા માંડો .. ચોકકસ મિત્રના દિલનો રસ્તો મળી જ જશે. સાચા મિત્રોને કશું સમજાવવાની કે દેખાડવાની જરુર ક્યાં પડી છે કદી…??

    superb rachna…. really i like it.

    Like

  16. khub j sudar che apni rachna o, pan vanchi sakati nathi detail ma.yogya karva vinanti,,khub pragati karo tevi subhechha. rughani bharat.

    Like

  17. મિત્રતા…

    એટલે મારા માટે…

    ” તમારે તમારી બધીજ ફરજો નીભાવવાની,
    તમારા કોઇપણ હક ની આશા છોડી ને…..

    ખુબજ સરસ લેખ છે, સ્નેહાજી વાંચવાની મજા આવી ગઇ…

    આભાર….

    Like

  18. બહુ જ ઓછા લોકો હોય છે દુનિયામાં જે તમને જેવા છો એવા જ રુપે સ્વીકારી શકે અને પ્રેમ કરી શકે..વરસી શકે
    ખુબ ગમી !તમારા લેખો મને પણ લખવા માટે પ્રેરે છે !
    આભાર ……..

    Like

  19. એકદમ સચોટ!!…આ વાંચી ને આજે ઘણાં ને પોતાના સાચા મિત્ર ની યાદ આવી હશે…હું પણ તેમાની એક જ છું. વાંચી ને ખુશ ખુશ….

    Like

  20. તમે જેવા છો એવા ને એવા જ મિત્ર સામે ખુલ્લા દિલે એકરાર કરીને પ્રામાણિકપણે અમુક ગુનાઓ કરવાની મનમાની કરી લેવાની અને સામે મિત્રને પણ એવી છુટ્છાટ ખુલ્લા દિલે બેધડક આપી દેવાની…બહુ જ ઓછા લોકો હોય છે દુનિયામાં જે તમને જેવા છો એવા જ રુપે સ્વીકારી શકે અને પ્રેમ કરી શકે..વરસી શકે..

    —————————————————————-
    એક-મેકની આંખોમાં આંખ પૂરોવીને..હાથ હાથમાં લઇને દિલોની વાત સમજી જવાય..શબ્દોની કે કોઇ જ ભાષાની જરુર ના પડે એવી અનોખી આ દોસ્તીની ભાષા ઉકેલવાની …

    ——————————————————————-
    એટલું ધ્યાન રાખવું ઘટે કે મિત્રોની જવાબદારી ક્યારેય ના બનો.

    ——————————————————————
    સ્નેહા ,
    ખુબ જ સરસ લેખ…!!
    ખરેખર કોલેજના દિવસોની યાદ આવી ગઇ. એ નિખાલસ મૈત્રી , એ મસ્તી ,એ ખુશી ને ગમ…..
    એ દિવસોમાં મિત્રો જ આપણી દુનિયા હોય છે….
    આપણા સુખ દુખ ના સાથી હોય છે…
    એ દિવસો પાછા ક્યારેય, ક્યારેય નહીં આવે…….
    ખુબ જ, ખુબ જ સરસ લેખ….!!

    Like

  21. કોઇ જ કારણ વગર સાવ જ અકારણ મળવાનું પણ જેને મન થાય એ છે સાચો મિત્ર.
    જે હસે અને દિલ તમારું ભીંજાય એ છે સાચો મિત્ર.
    જે રડે અને મન તમારું આળું થાય એ છે સાચો મિત્ર.
    જેને ગુસ્સો કરીને.. સણસણતી ગાળો દઇને… બરડે એક ધબ્બો મારીને પ્રેમ કરી શકાય એ છે સાચો મિત્ર..સરસ લેખ. આભાર.

    Like

  22. કૃષ્ણ ભગવાન સજ્જન અર્જુનના મિત્ર હતા….
    સાચો મિત્ર શોધવા માટે તમારે કંઇ કોલંબસ બનવાની જરુર નથી. ..badhu quote karava nu thashe..
    ખુબ જ સુંદર સીધુ મીત્રતાનું ઈત્ર મઘમઘતા અંતરમાંથી વછુટ્યુ..કાગળ પર…જેમ કૃષ્ણ સાચા મિત્ર માટૅ કહી ઉઠે છે..કે ભ્ક્તોસિ મે સખા ચેતિ રહસ્યદ એતત ઉત્તમમ….તેમ મિત્રતાના રહસ્ય વિષે આખો અધ્યાય કહેવાઈ ગયો છે.. સાંખ્ય યોગ છે તે જ્ઞાનને અનુલક્ષીને છે સાંખ્ય દર્શન…ઓમ તત સત ઈતિ ભગવદગીતાસૂ ઉપનીશદ્સ્તુ બ્રહમમ્વિધ્યાયાં યોગશાસ્ત્રે શ્રી ક્રુશ્ણાનણ્જુન સંવાદે..સખાયોગો નામ..મિત્રતા ઓચ્ચવ અધ્યાયઃ

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s