“મમ્મી.. હું તને અનહદ ચાહું છું”


આજે સવારના ફોનમાં મેસેજીસ ચાલુ થઈ ગયા એટલે ખ્યાલ આવ્યો કે, “ઓહ, આજે તો હેપી મધર્સ ડે…!!!” આજે તો આપણે આપણી માતાને આપણને આ પૃથ્વી પર લાવવા માટે ‘ધન્યવાદ’ કહેવાનું. આપણી એના માટેની કૃતજ્ઞતા જાહેર કરવાની, કહેવાનું..”મમ્મી.. મારી પ્યારી મમ્મી.. હું તને અનહદ ચાહું છું અને એ કહેવાનું હંમેશા ભૂલી જ જાઉં છું.. એટલે તો અમે આધુનિક છોકરાઓએ હેપી ફાધર્સ ડે, હેપી વેલેન્ટાઈન ડે, હેપી ટીચર્સ ડે, હેપી ચિલ્ડ્ર્ન ડે..” આવા અનેક દિવસો રાખ્યા છે.”

આવું તો કેટલુંય બધું.. હેપી હેપી હેપી.. !!

આ બધુંયે એકદમ મોડર્ન સ્ટાઇલમાં, ધૂમ ધડાકાભેર ઊજવવાનું.. સરસ મજાના મોટ્ટા….મોટ્ટા ગ્રીટિંગ કાર્ડસ આપવાના.. ગુલાબ, ઓર્ચિડ એવા જાત-જાતના ને ભાત-ભાતના ફૂલોની નકલી સ્પ્રે કરેલા પરફ્યુમથી મઘમઘાટથી મમ્મીની હથેળી ભરપૂર રીતે તરબતર કરી દેવાની… મમ્મીને પણ થોડો સમય તો એક નશો થઈ જાય આપણા જેવા સંતાનોની આ દેખાડા જેવી લાગણીઓનો..!!!

પણ.. આ નશો કેટલો સમયનો… આ બધુંયે સરસ મજાની રીતે ઊજવ્યાં પછી મિત્રવર્તુળ સમક્ષ એના થોડા વહેમ મારવાના… વળી એમને પણ શિખામણો આપવાની કે આમ કરીએ તો મમ્મીઓને વધુ ગમે.. ગમે તેમ કરીને મા માટે એક સરસ મજાની ગિફ્ટ પણ લાવવી તો પડે જ… ભલે ને તારી પીગી-બેંક એના માટે તોડવી પડે…!!!

સાચા દિલથી હ્રદય પર હાથ મૂકીને થોડા સમય માટે ફક્ત પોતાની જાત માટે પણ પ્રામાણિક થઈને જાત સાથે વાર્તાલાપ કરીને આ સવાલનો જવાબ આપજો.
આ બધીયે પ્રક્રિયા પછીના થોડા સમયમાં જ તમારું વર્તન મમ્મી માટે પેલી કહેવતની જેમ જ… ‘ઘરની મુર્ગી દાળ બરાબર’ જેવું જ રોજિંદું નથી થઈ જતું?

આજે મારે મારા મમ્મીને હેપી મધર્સ ડે કહેવું હતું… હું તને ખૂબ ખૂબ જ પ્રેમ કરું છું.. તું મારી જન્મદાત્રી.. તું મારા માટે સર્વસ્વ..
મને ખ્યાલ છે કે, જ્યારે મારો જન્મ થયો ત્યારે જ તારો પણ એક નવો જ જન્મ થયેલો… એક ‘મા’ તરીકે..!!
તારી જાત નીચોવીને તે જે ફૂલ ઊગાડ્યું.. તે હું… તારા લોહી-પસીનાની સિંચાઈથી જ આજે હું આમ મહેકું છું.. તારી આંખના એક એક આંસુ.. એક એક પળના ઉજાગરા.. મારી આંતરડી ઠરે એ માટે કેટકેટલા વણદેખ્યાં.. વણબોલ્યાં કામ…. જાતનું નિઃસ્વાર્થ ભાવે કરાયેલ તર્પણ… બીજું તો કેટ-કેટલું…!!! મારી બધી જ તકલીફો, ચિંતાઓ, બધાના નિવારણ માટે જાણે તું જ મારી ગાઈડ. ગમે ત્યારે મને જરૂર પડે ત્યારે મારા પડખે સદા હસતું અને મારી મુશ્કેલીઓમાં મને હિંમત બંધાવતું તારું પ્રેમાળ મુખ..!! ભગવાનને તો કોણે જોયો છે પણ… તને તો હું રોજ જોઉં છું… ભગવાન તો બની શકે કદાચ આપણે માનવીઓ એ બનાવેલી કલ્પના પણ હોય. પણ આ તો જીવતા જાગતા કલ્પવૃક્ષ સમી માવડી. મારા સપનાઓ સાચા બનાવવા તેં વેઠેલા અઢળક ઉજાગરા.. સદા મારી નબળાઇઓને તારી તાકાતથી સબળ, અડીખમ રાખનાર અને મને પણ તારા જેવી જ મજબૂત બનાવનાર ..રાતના અંધકારથી હું ક્યારેક બીતી બીતી ..રમતા રમતા ક્યાંક પડતી..આખડતી..કેટકેટલાયે ઘા લઈને રડતી રડતી તારી પાસે આવતી અને તું વહાલથી મને ઉંચકીને બચીઓથી નવડાવી દેતી અને મારા ઘાવને જોઈને રડતા રડતા એની મરહમપટ્ટી કરતી..મારા કોઈ તોફાન પર મને ટપલી મારીને, એકાંતમાં ચોધાર આંસુડા વહાવતી અને જાતને કોસતી…!!

ઓ મારી માડી રે..આવું તો કેટ કેટલું મને યાદ પણ નથી.. આધુનિક જમાનાની સુપર ફાસ્ટ ટેન્શનોવાળી દોડ મારી સંવેદનાઓની ધાર જાણે બુઠ્ઠી કરી ગઈ છે..યાદ-શક્તિ નબળી કરી ગઈ છે. જેથી લાગણીના પ્રસંગોની યાદો જાણે માનસપટ પરથી સાવ જ ભુલાઈ ગઈ જ છે.
અમે આજના સંતાનો, દોડતા-હાંફતા જમાનામાં, જેમને જાણતાં પણ નથી એવા લોકોને પોતાની સમૃધ્ધિ.. પૈસો બતાડી દેવાના પાગલ ઝ્નૂનમાં, સ્ટેટસ સિમ્બોલના આભાસી અભરખામાં, સુખ -સગવડોની તડજોડમાં…તારા બોખા, કરચલીઓ વળેલા ચેહરા પાછળ તડપતી વેદના જોઈ જ ના શકયા ..!! આજે તારે ડોકટરને ત્યાં જવા..મંદિરે જવા ..અમારી જરૂર છે. અમારા સપનાઓ પાછળ તારી ના જીવી શકાયેલ જિન્દગીની હું સાક્ષી છું. એ જીવન જિવવાની તક ફરી ઊભી કરવાને તો હું અસમર્થ છું ..પણ બને એટલા તારા અધુરા સપનાઓ પુરા કરવા આજે તારે અમારી જરૂર છે.. એ વાત જ સાવ વિસરાઈ ગઈ..!!! અમારા બહારના દેખી શકાતા ઘાવ તો તારી દવાઓથી રુઝાઇ જતા હતા..પણ આજ-કાલની આ આધુનિકતાની દોડમાં અમે સંતાનો તને જાણતા – અજાણતાં…ક્યારેક મજબૂરીમાં પણ કેટ કેટલાં ના દેખી શકાતા અંતરના ઘાવોની ભેટ રોજ રોજ ધરતા જઈએ છીએ. એનો હિસાબ તો અમારી પાસે પણ નથી… આજે એકદમ જ, “ મમ્મી..તને હું ચાહું છું” કહેવા જતા એ બધું યે એક ફિલ્મની પટ્ટીની જેમ નજરની સામેથી પસાર થઈ ગયું..
”કયા મોઢે હું તને આ શબ્દો કહું મમ્મી..?? ”

આવી નાટકીય વૃત્તિ તો મારા લોહીમાં જ નથી..તારા સીઁચેલા સંસ્કાર મને આમ કરતા રોકી ગયા …રોજ બરોજ મારા વર્તનથી તને મારે અનુભવ કરાવવાનું હોય એ વર્તન જ હું તો ચૂકી ગઈ છું ..!! અમે જાતે ઊભા કરેલા આ હરીફાઈ યુગમાં અને દેખાદેખીની દોડમાં ના ઇચ્છવા છતાં તને ક્યાંક ને ક્યાંક અન્યાય કરી બેઠી છું …આ આધુનિકતાની મૃગજળ જેવી દોડમાં તારી સાચી અને સરળ મમતાનો જાણે ઉઘાડે છોગ જાણે વેપાર કરી બેઠી હોઉં એવો એક અપરાધ ભાવ અનુભવું છું મારી માડી…

આટ આટલા અપરાધોનો ભાવ મારી છાતી પર લઈને તને કઈ રીતે કહી શકું કે, “મમ્મી, હું તને ચાહું છું.. તું મારા માટે ઈશ્વરથીયે વધુ પૂજનીય છે..”??

અને હા…જો તને ચાહું જ છું, તો મારે એ તને કહેવા માટે વળી આ જ દિવસની જરૂર કેમ પડે છે..? એ તો મારે તને રોજ જ અનુભવ કરાવવાની વાત છે. મારું વર્તન જ્યાં સુધી એને યોગ્ય ના થઈ શકે ત્યાં સુધી આ વાક્યો બોલતા મને મારી પ્રામાણિકતા રોકે છે..માટે જ્યાં સુધી તને રોજ જ હેપી મધર્સ ડે.. માતૃ-દિન જેવી અનુભૂતિ નહીં કરાવી શકું..મારી માડી ત્યાં સુધી તો મને માફ જ કરી દેજે..

આજે જ્યારે હું પોતે એક મા છું તો આ શબ્દની કદર અને એનું મહત્વ મને વધુ સમજાય છે. આજે માતૃદિનની ઉજવણીનો પ્રસંગ રાખ્યો છે.. ત્યારે તું મારી સામે છું અને હું ફક્ત તને એક વહાલ ભર્યુ પશ્ચાતાપના આંસુડાથી ભીઁજાયેલ એક આલિંગન જ આપી શકીશ. મારી માડી… મને માફ કરજે… સદૈવ કરતી જ આવી છે ને એમ જ..!!!
સ્નેહા-અક્ષિતારક.
૯-૫-૨૦૧૦

Advertisements

15 comments on ““મમ્મી.. હું તને અનહદ ચાહું છું”

  1. આજે જ્યારે હું પોતે એક મા છું તો આ શબ્દની કદર અને એનું મહત્વ મને વધુ સમજાય છે. આજે માતૃદિનની ઉજવણીનો પ્રસંગ રાખ્યો છે.. ત્યારે તું મારી સામે છું અને હું તને આંખમાં આંસુડા લઈને ફક્ત તને એક વહાલ ભર્યુ પશ્ચાતાપના આંસુડાથી ભીઁજાયેલ એક આલિંગન જ આપી શકીશ મારી માડી… મને માફ કરજે… સદૈવ કરતી જ આવી છે ને એમ જ..!!!

    nice articals sneha ji……keep it up…every time i found something new in your articals….thank you very very much.

    Like

  2. આજે જ્યારે હું પોતે એક મા છું તો આ શબ્દની કદર અને એનું મહત્વ મને વધુ સમજાય છે.

    sav sachi vat che…….. ma shabd.. aam to ek akshar no che..
    pan ema akhi duniya samayeli che…..n mane pan yad avi gayu mari ma pratyenu maru admya khechan……. n ena vagar mara divas n rat na kalpi sakti hu ena vagar rahi saku chu………!!!!!

    sneha tane su kahu aa lekh mate aa feelings mate…. kaheva mate e koi shabd j nathi….thanks dear… mane mari ma sathe na divso yad karavya badal….

    Like

  3. speechless..!!!!! તે તો એક આમ ઇન્સાન ની સત્ય વાત લખી દીધી … જાણે અજાણે આપણાથી માં-બાપ પ્રત્યે અન્યાય થઇ જાતો હોય છે .. જેની આપણ ને ખુદ જ ખબર નથી હોતી ..!

    Like

  4. સંવેદનાઓની સરવાણીઓ…
    સરસ લેખ
    લખતી રહેજે બેન
    મા સરસ્વતીની કૃપા હજી વધુ ઉતરે તેવી પ્રાર્થના
    પણ લખવા ખાતર નહી..જ્યારે અંદર થી લખવા્ની તીવ્ર ઈચ્છા થાય ત્યારે જે લખાય તે લખાણ આવું સુંદર અને હ્રદય સ્પર્શી હોય…

    Like

  5. દરેક હોલિડે હમેશા એક દિવસ માટે જ હોય છે અને તેને હમેશા ખર્ચા સાથે સંલગ્ન જ
    રખાય છે.આ રોગ અમેરિકાથી આયાત કરાયેલો છે વિશ્વમા!!!!!

    Like

  6. અમારા સપનાઓ પાછળ તારી ના જીવી શકાયેલ જિન્દગીની હું સાક્ષી છું. એ જીવન જિવવાની તક ફરી ઊભી કરવાને તો હું અસમર્થ છું .
    kharekhar D,aapni maa e aapn ne janm aapvaa mate karela kashto,karela ujagarao e divaso apne ene kyaarey pachaa nathi aapi shakavana..!

    હું ફક્ત તને એક વહાલ ભર્યુ પશ્ચાતાપના આંસુડાથી ભીઁજાયેલ એક આલિંગન જ આપી શકીશ. મારી માડી… મને માફ કરજે… સદૈવ કરતી જ આવી છે ને એમ જ..!!! sundar 🙂

    Like

  7. સ્નેહા…
    શબ્દો ને તમે કેટલી લાગણીઓ થી લખ્યા છે!
    એક દમ સાચી વાત કે આ દોડ ભાગ ભરી દુનિયા માં આપડે જાણવા છતાં માં ને સમય નથી આપતા કે નથી એની જરૂર પૂરી કરી શકતા!
    ભલે ને માની દુનિયા નું મધ્યબિંદુ બાળક હોય …. બાળક મોટું થાય એટલે એના સર્કલ માં પણ માં વિસરાઈ જાય છે..
    અને જયારે આ અહેસાસ થાય છે ત્યારે ખુબ મોડું થઇ ગયું હોય છે!

    Like

  8. તું મારા માટે સર્વસ્વ..
    મને ખ્યાલ છે કે, જ્યારે મારો જન્મ થયો ત્યારે જ તારો પણ એક નવો જ જન્મ થયેલો… એક ‘મા’ તરીકે..!!
    Mara mate mari mom jj bhadhu jj 6
    “manu chu sacha dil thi tane
    pan tu yad ave 6 kyarek,
    jo tu yad ave mane ,
    bas khali ak ashu 6 pyar nu”.

    Like

  9. ek dam sachi vat khi aape….”માં તું માં …………” આજે સવારના ફોનમાં મેસેજીસ ચાલુ થઈ ગયા એટલે ખ્યાલ આવ્યો કે, “ઓહ, આજે તો હેપી મધર્સ ડે…!!!” આજે તો આપણે આપણી માતાને આપણને આ પૃથ્વી પર લાવવા માટે ‘ધન્યવાદ’ કહેવાનું. આપણી એના માટેની કૃતજ્ઞતા જાહેર કરવાની, કહેવાનું..”મમ્મી.. મારી પ્યારી મમ્મી.. હું તને અનહદ ચાહું છું અને એ કહેવાનું હંમેશા ભૂલી જ જાઉં છું.. એટલે તો અમે આધુનિક છોકરાઓએ હેપી ફાધર્સ ડે, હેપી વેલેન્ટાઈન ડે, હેપી ટીચર્સ ડે, હેપી ચિલ્ડ્ર્ન ડે..” આવા અનેક દિવસો રાખ્યા છે.”

    આવું તો કેટલુંય બધું.. હેપી હેપી હેપી.. !!

    Like

  10. Dearest snehabeta….vah..afreen X…………………………!!!!
    Yes a lady and premaal Dikari thaki aavu MAA nu niroopaan and Patra-lekhaan…
    Sadbhagye mare potane koi Dikari nathi paan bhagvane 24 varaso pachi mara mota son ne tnya ” BIRVA” janmi..vahalsoyi….Dadi ni pratikrooti….!!!
    God bless you….Aasha hazu aavu ane saru j lakhe…Maa Saraswati ni aseem Krupa hamesha….aap per..
    Jay shree krishna
    Sanat dave (Dadu for FB ppl..and to you too…) Luuuuu<3<3:D:D:)))……

    Like

  11. MOTHER…………. mathi———- “M”———– kadhi nakoto———– OTHER——- samjayu,,,,,,,,,,,MAA TE MAA…BIJA VAGDANA VAA.

    Like

  12. Great…. Tamara article read kari ne to Jane aakho khuli gai hoy evu lage che….. Janata amanat ketali var maa sathe karab vatan karta hoy chi…. Sachu che aava 1 day celebrate karva thi aapne kai motu kam nathi karta…..Feelings hovi jaruri che….

    Like

  13. માઁ વિશે જેટલું લખો એટલું થોડું અને એમની માટે જેટલું કરો એટલું ઓછું…માઁ શબ્દ પ્રેમ, વહાલ, હુંફ, કાળજી ની દ્રષ્ટિએ બહુ વિશાળ છે…કહેવાય છે કે ઈશ્વરને પણ માતાનો પ્રેમ મેળવવા માટે મનુષ્ય રૂપે ધરતી પર અવતાર લેવો પડ્યો’તો, જેમ કે, રામ અને કૃષ્ણ…લેખમાં તમે ખુબ સરસ વાત કરી કે આજકાલ મોટાભાગનાં (દરેક નહીં) સંતાનોને પોતાના માબાપનું કામ કરતા આલ પડે છે, જયારે બહાર પોળા-પોળા થતા હોય છે (હું જાણું છું કે લેખમાં તમે માં-દિકરીની વાત કરી છે, પણ હું અહીં સંતાનોની વાત કરું છું પછી તે દિકરી હોય કે દિકરો)…બિલકુલ સાચી વાત પણ આ બધુ સમજવું હોય તેના માટે છે…જે માબાપે (તમે લેખમાં ફક્ત માઁ નો ઉલ્લેખ કર્યો છે, પણ હું અહીં માબાપ બંને વિશે વાત કરુ છું) પોતાના સંતાનો માટે તેમનું સુખ ત્યજી દીધુ હોય તે સંતાનો માબાપ ને પગે નથી લાગતા, માન-સન્માન નથી આપતા, ઘરડા માબાપનું કામ નથી કરતા, તેમને સાચવતા પણ નથી કે અમુક સંતાનો તો પોતાના માબાપને ઘરે રાખવાના વારા કરે છે, તો અમુક ઘરડા ઘરમાં મુકી આવે છે, માબાપ કામ ચીંધે તો કહેશે કે અમારી પાસે સમય નથી, જાતે કામ કરી લો અમારે બીજા ઘણા કામ છે અને જ્યારે એજ સંતાનો મંદિરના સ્વામિઓના કે પુજારીઓના પગમાં આળોટતા હોય છે, દોડીને તેમનું કામ કરે છે કે જી હજુરી કરે છે. મંદિરમાં સેવા કરે છે…અરે મારા વહાલાઓ માબાપને તરછોડીને બીજે વહાલા થવા ન જવાય. માબાપને દુઃખી કરીને જીવનમાં ક્યારેય સુખી ન થઈ શકાય આ કુદરતનો નિયમ છે…તમે આ લેખ દિલથી લખ્યો છે અને લેખમાં માઁ પ્રત્યેની તમારી લાગણીઓ દેખાય આવે છે કે તેમના માટે તમારે ઘણું કરવું’તું કે કહેવું’તું જે ન કરી શક્યા કે કહી શક્યા નો વસવસો રહી ગયો હોય એમ લાગે છે…બસ વધુ તો શું કહું, ખુબ જ ઉમદા, લાગણી સભર અને સરસ લેખ…

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s