કાન્હા

મારાં ગોરાં ગોરાં અંગે એક કમી છે વ્હાલાં,
બસ તારું શામળિયાપણું છલકાવી દે કાન્હા.

કર્ણપટલ તરંગોથી બધિરાયેલાં પડ્યાં છે વ્હાલાં,
વાંસલડીનાં બે સૂરે મને નશીલી બનાવી દે કાન્હા.

લાલ ચુનરે છલકે મારી અછૂતી લાગણીઓ વ્હાલાં,
તારાં નટ-ખટ અડપલે જીવ એમાં રેડી દે કાન્હા.

મારી બિંદીયાએ કોરું કુંવારું કંકુ ચમકે છે વ્હાલાં,
મસ્તી ભરેલાં તારા સ્પર્શે પૂર્ણતા દઈ દે કાન્હા.

તારા મિલન કાજે અરમાનોથી જાત શણગારી વ્હાલાં,
એક નજર નાંખી તૃપ્તિથી એને છલકાવી દે કાન્હા.

તારા વિના ચેન કદી આવે ના આ મનને વ્હાલાં,
નહીં છોડે કદી મધ-રસ્તે એક વચન દઈ દે કાન્હા.

સ્નેહા-અક્ષિતારક
 ૨-૧-૨૦૦૯-૫.00બપોરનાં