મારાં વિશે થોડુંક..

હું સ્નેહા પટેલ ‘અક્ષિતારક’ અમદાવાદમાં રહું છું , ફુલ ટાઈમ ગ્રુહિણીની સાથે પાર્ટટાઈમ લેખિકા છું.

વિચારવું, અનુભવવું અને લખવું આ જ મારી જીંદગી છે..શબ્દો મને અનહદ આકર્ષે છે. ઉપરવાળાએ  સંવેદનશીલ હ્રદયની સાથે સાથે એ તીવ્ર અનુભૂતિને સરળતાની ભાષામાં સાહજીક રીતે કાગળ પર ઉતારવાનું અલભ્ય વરદાન આપ્યું છે એ માટે હું એની ખૂબ ખૂબ આભારી છું..થેન્કયુ ગોડ.  :-)

મારા વિશે બે જ લાઇનનો પરિચય બહુ થઈ પડે આમ તો કે,
‘નદી જેવી બિન્દાસ વહુ છુ
હા પણ
વળાંકોને અનુરૂપ થઈ જઊં છું..’

ડીડી-૧ પર આવતા કાર્યક્રમ ‘કવિ કહે છે’માં ગુજરાતી સાહિત્યના  પ્રખ્યાત કવિ શ્રી તુષાર શુક્લ અને ધૂની માંડલિયા જેવા દિગ્ગજો જોડે કાવ્યપઠન કરવાનો અવિસ્મરણીય લ્હાવો પણ મેળવેલો છે..

‘વિચારોનો આ ફરજિયાત ગર્ભધારણ..

આને ભગવાનનું વરદાન કહેવાય કે પછી અભિશ્રાપ..?

જીવનભર મગજમાં આનો પિંડ બંધાતો જ રહે છે

અવિરતપણે ચાલતી આ પ્રક્રિયામાં કયો વિચાર પૂર્ણ પ્રસુતિ પામશે

કે પછી

કયા વિચારની અધૂરા માસે કસુવાવડ થઈ જશે..

કશું જ ક્યાં નિશ્વિંત હોય છે..

વળી એ ‘ગદ્ય’ દીકરારૂપે જન્મશે

કે પછી

‘પદ્ય’ દીકરીરૂપે અવતરશે…

કંઇ જ ખબર નથી હોતી.

પણ હા..એક વાત નક્કી..

એ જન્મશે તો ચોકકસ

મારા સપનાંઓની પ્રતિકૃતિ જ હશે

એ આનંદ પામવાની લાલચે જ

મારે  મારો કવિયત્રી ધર્મ ચૂપચાપ પૂરી નિષ્ઠા સાથે નિભાવવાનો

અને

વિચારોનો ફરજિયાતપણે ગર્ભધારણ કરવાનો..’

http://akshitarak.wordpress.com/2011/04/06/vicharo-no-garbhdharan/

આમ જ બસ..રોજ નવું નવું શીખું છુ અને કલમને ધાર કાઢી કાઢીને લખવાનો પ્રયત્ન કરું છું..શબ્દોનો નિર્દોષ નશો કરું છું.

સ્નેહા પટેલ – અક્ષિતારક